اسلام آباد۔22مارچ (اے پی پی): مزن وزیر عمران خان ءَ گوں عراق ءِ دمگی سالمیت ءُ وت مستری ءِ واستہ پاکستان ءِ کمک ءِ درشان کنان ءَ ناشرکاری ءِ ھلاپ ءَ جنگ ءَ عراقی حکومت ءِ کامیاتی ءُ نوک سر جوڑیشت ءِ کوشست آناں ساڑات۔ سئے شمبے ءَ مزن وزیر ءَ او آئی سی ءِ وزیر ءِ درئی کار کونسل ءِ 48 دیوان ءَ شرکت ءِ واستہ پاکستان ءِ تر ءُ تاب ءَ عراق ءِ وزیر ءِ درئی کار فواد حسین ءَ گند ءُ نند کت۔ مزن وزیر ءَ اے موہ ءِ سر ءَ دوئیں ملک آنی نیام ءَ کوھنیں دوستی ءِ تران کت ءُ گوشت کہ ایشانی یکوئی ءِ ریشگ یکجائی دل یکیمی، سروک ءُ دود ءُ ربیدگ ءِ وابستگی آں گوں بندوک انت۔ آوانی عراق ءِ گوما پاکستان ءِ دو نیمگی یکوئی آناں گیش مھکم جوڑ کنگ ءِ واھشت ءِ درشان کت۔ عراقی وزیر ءِ درئی کار ءَ جوانیں وش اتک کنگ ءِ پد ءَ مزن وزیر ءِ شگر ءُ منت واری گپ ءُ او آئی سی دیوان ءِ انتظامی آناں ساڑات۔
