اسلام آباد۔22مارچ (اے پی پی): وزیر ءِ درئی کار شاہ محمود قریشی ءَ گوشت کہ او آئی سی جموں کشمیر ءِ کشاں چیل ءِ گیواری ءِ واستہ وتی کوشست آنی تہ ءَ گیشی بکنت، کشمیری الس میاں اوستمانی ضمیر آناں ھما وھد ءَ تاں زرمبش دیاں ھما وھد ءَ تاں آوانی جیڈھ گیوار مہ بیت۔ سئے شمبے ءَ وزارت ءِ درئی کار ءَ جموں کشمیر ءِ ھوالگ ءَ برجم بوھوکیں …
او آئی سی جموں کشمیر ءِ جیڈھ آنی گیواری ءِ واستہ وتی کوشست آنی تہ ءَ گیشی بکنت، وزیر ءِ درئی کار اہ محمود قریشی ءِ جموں کشمیر ءِ برجم بوھوکٰں او آئی سی رابطہ گروپ ءِ دیوان ءَ ھیال آنی درشانی
گیشتریں ھال
اسلام آباد۔22مارچ (اے پی پی): وزیر ءِ درئی کار شاہ محمود قریشی ءَ گوشت کہ او آئی سی جموں کشمیر ءِ کشاں چیل ءِ گیواری ءِ واستہ وتی کوشست آنی تہ ءَ گیشی بکنت، کشمیری الس میاں اوستمانی ضمیر آناں ھما وھد ءَ تاں زرمبش دیاں ھما وھد ءَ تاں آوانی جیڈھ گیوار مہ بیت۔ سئے شمبے ءَ وزارت ءِ درئی کار ءَ جموں کشمیر ءِ ھوالگ ءَ برجم بوھوکیں او آئی سی رابطہ گروپ ءِ دیوان ءَ ھیال آنی درشانی ءَ کنان ءَ کت وزیر ءِ درئی کار ءَ گوشت کہ وت واجئی ھک ءُ میاں اوستمانی کانود ءِ بنیاتی رھبند انت، وتی کسمت ءِ مٹ کنگ ءِ ھک، آجوئی ءُ بنی آدمی شرپ ءِ واست المی انت۔ آئی ءَ گوشت کہ بد بھتی ءَ چہ جموں کشمیر ءِ مردم انوگ ءَ تاں لگت مال انت۔ آئی ءَ گوشت کہ 70 سال ءَ چہ گیش وھد ءُ پاس ءَ بزگی ءُ لاچاری ءَ زندمان ءَ گوازینگ ءَ انت۔ آئی ءَ گوشت کہ کشمیری الس آناں وت واجئی ھک ءِ رسگ آوانی بنیاتی لوٹ ءُ ھک انت۔
