وزیر ءِ درئی کار مخدوم شاہ  محمود قریشی ءَ گوں  او آئی سی وزیر ءِ درئی کار کونسل ءِ  چیل ءُ ھشتمی دیوان ءِ موہ ءَ  سعودی عرب،  کزاکستان ، ترکمانستان ءُ گیمبیا ءِ  ھمکار   آں گوں گند ءُ نند

اسلام آباد۔22مارچ  (اے پی پی):او آئی سی  ءِ وزیر ءِ درئی کار کونسل ءِ چیل ءُ ھشتمی  دیوان ءِ موہ ءَ  وزیر ءِ درئی کار  مخدوم شاہ محمود قریشی ءَ گوں سعودی عرب، کزاکستان ، ترکمانستان ءُ گیمبیا ءِ  ھمکار   آں گوں گند ءُ نند کت۔ ترجمان درئی کارانی کارگس ءِ رد ءَ شاہ محمود قریشی ءُ  آئی ءِ  سعودی ھمکار شہزادہ فیصل بن فرحان  آل سعود  ءِ نیام ء۔ گند ءُ نند ءَ پاکستان ءَ پوسٹیں سعودی عرب ء، سفیر  نواف  سعید المالکی ھم ساڑی ات۔ گند ءُ نند ءِ ساھت ءَ  دو نیمگی یکوئی،  یکجائی  دو نیمگی کمک آنی دیمروئی ءَ ھوار وت مہ وتی  واھگی کار ءُ  دمگی  ءُ میاں اوستمانی  کار آنی سر ءَ ھیال ریچی کنگ بوت۔  وزیر ءِ درئی کار ءَ گوشت کہ  پاکستان سعودی عرب ءِ  وت واجئی ءُ دمگی سالمیت ءِ کمک ءَ کنت۔   آئی ءَ گوشت کہ پاکستان  ریاض ءَ ورلڈ ایکسپو 2030  ءِ میزبانی ءِ  واستہ براتیں ملک  سعودی عرب ءِ امیت   واری ءِ   وش اتک ءَ کنت۔