اسلام آباد۔22مارچ (اے پی پی): وزیر ءِ درئی کار مخدوم شاہ محمود قریشی ءَ گوں سئے شمبے ءَ اسلام آباد ءَ او آئی سی ءِ وزیر ءِ درئی کار کونسل ءِ 48 چیل ءُ ھشتمی دیوان ءِ موہ ءَ یونائیٹڈ نیشن ءِ یکوئی ءِ مزن تکی سروک میگوئل موراتینوس ءَ گوں گند ءُ نند کت۔ دوئیں سروک آنی نیام ءَ نیک راھ آنی وت مہ وتی نزیکی ءَ را مھکم جوڑ کنگ ، اسلامو فوبیا ءُ ایشی ءِ ھوالگ ءَ سگ ءُ اوپار کشی ، وت مہ وتی واھگی کار آنی سر ءَ ھیال ریچی کنگ بوت۔ وزیر ءِ درئی کار ءَ گوشت کہ کسد ءُ کینگی بیان، ءُ مسلمان آنی ھلاپ ءَ کشاں چیل پاکستان ءِ ھمساھگ آں ھوار دگنیا ءِ بازیں بھر آنی تہ ءَ شنگ ءُ بوھگ انت۔ اسلامی شرپ مندیں جاہ آنی بے شرپ کنگ، کینگی گپ، ءُ برکہ ءِ سر ءَ بندش ، مسیت آنی سر ءَ ارش ، نہ وشیں ھبر انت۔ یات دارگ بہ بیت کہ یو این اے او سی ءَ را 2005 ءَ جوڑ کنگ بوتگ۔ ایشی ءِ بنیاتی مول ءُ مراد توامیں دود ءُ ربیدگ ، روایت ءُ نیک راھ آنی واستہ وت مہ وتی شرپ ءِ دیمروئی ءِ واستہ پلیٹ فارم ءِ رنگ ءَ کار کنگ ھوار انت۔
