اسلام آباد۔ 22 مارچ (اے پی پی) وزیراعظم عمران خان فلسطینی الس نا حق و اوفتا منصفانہ جہد کن پاکستان نا پیدوار مخ تفی نا درشانی ءِ کرسا داہیت آ زور شاغانے کہ فلسطین نا جھیڑہ دے ٹک نیامی ٹی بدامنی نا مرکز ءِ، فلسطینی الس نا روا است خواہی تے پورو کننگ نا گرج ءِ۔ او سے شنبے نادے آ داڑے فلسطین نا وزیر خارجہ ڈاکٹر ریاض المالکی تون اوڑدہی نا وخت آ گپ وتران کریکہ ہرا او آئی سی وزراء خارجہ کونسل نا 48 می دیوان اٹی بشخ ہلنگ کن پاکستان آ بسنے۔ فلسطینی وزیرخارجہ دا وخت آ پارے کہ امت مسلمہ نا فلسطین و جموں وکشمیر نا جھیڑہ غاتون اوار ایسر نا چاری ویل آک ڈیہہ تیٹی نزوری نا بنداوی سوب آتیان اسٹ ءُ، ہندوستان نا غیر کانودی وڑا ٹ کوزہ ٹی جموں و کشمیر نا مخلوق تینا ناقابل تنسیخ حق خودارادیت نا خواست کننگ آ بھلا ظلم و جور انا گواچی ءُ۔ وزیراعظم فلسطینی الس نا حق و اوفتا منصفانہ جہد کن پاکستان نا پیدوار مخ تفی نا درشانی ءِ کرے۔ وزیراعظم دا ہیت آ زور شاغا کہ فلسطین نا المیہ ہرا پاکستانی الس و مچ آ دنیا نا مسلمان تیکن بے کچ گڑتی نا سوب ءِ دے ٹک نیامی ٹی بدامنی نا مرکز ءِ، فلسطینی الس نا روا است خواہی تے بایدے پورو کننگے۔ وزیر خارجہ المالکی فلسطین آ پاکستان نا بدل مفروک مخ تفی و اصولی موقف آ منت واری ءِ ہرفے۔ وزیراعظم و وزیرخارجہ پاکستان و فلسطین نا نیام اٹ گچین ہڑتوم آ کنڈآتا کمکاری تون اوار اوار او آئی سی تون اوار علاقائی و جہانی فورم تیا ہڑتوم آ فریق آتا نیام اٹ کمکاری آہم گپ وتران کریر۔
