اسلام آباد۔ 22 مارچ (اے پی پی) وزیراعظم آزاد جموں و کشمیر سردار عبدالقیوم نیازی سفیر کشمیر وزیراعظم عمران خان نا کنڈآن او آئی سی دیوان اٹی کشمیر نا ویل ءِ سوبر وڑاٹ ہرفنگ آ زبردست خراج تحسین پیش کرسا پارینے کہ وزیراعظم پاکستان عمران خان اسہ وار ولدا پک کرے کہ او کشمیری تا حقی سفیر ءِ، بھارت مقبوضہ کشمیر آن حریت راہشون تے او آئی سی دیوان اٹ بشخ ہلنگ آن تورے۔ سے شنبے نادے آ اسلامی کمکار تنظیم نا وزرا خارجہ کونسل نا دیوان اٹی بشخ ہلنگ آن پد پارلیمنٹ نا پیشن صحافی تتون گپ وتران کرسا وزیراعظم آزاد کشمیر پارے کہ وزیراعظم پاکستان عمران خان کشمیری تا توار ءِ اسہ وار ولدا سوبر وڑاٹ او آئی سی نا مون آ تخا، فلسطین نا مظلوم ایلم تا حق اٹی عمران خان کلمہِ حق بڑز کرے۔ اوپارے کہ او آئی سی دیوان آن دنیا ءِ اسہ بھلو کلہو اس ہنا، بھارت مقبوضہ کشمیر آن حریت راہشون تے او آئی سی دیوان اٹی بشخ ہلنگ آن تورے۔ اوپارے کہ مقبوضہ کشمیر اٹی بھارتی ظلم بے نقاب مسنے، او آئی سی دیوان پاکستان نا اسہ بھلو سرسہبی اسے۔
