اسلام آباد۔ 22 مارچ (اے پی پی) بنجائی وزیر حوالکاری و شینکاری چوہدری فواد حسین پارینے کہ وزیراعظم عمران خان نا حکومت نا عظیم سرسہبی ءِ کہ اودے بیرہ مسہ تُواٹی ارٹ میکو وار او آئی سی وزراء خارجہ کانفرنس نا اڈتننگ نا شرف دوئی مسنے، کانفرنس اٹی مسلم امہ نا ویل آتیا شرہ مریک، بشخ ہلوک آتا تقریر آک برجاءُ، پاکستان نا ہربندغ گمر کے کہ اینو پاکستان مسلم امہ نا کماشی ءِ کننگ ءِ۔ سے شنبے نادے آ تینا ویڈیو بیان اٹی اوپارے کہ او آئی سی وزراء خارجہ کانفرنس برجاءِ ، کانفرنس اٹی کم و ود 32 وزراء خارجہ و 700 آن زیات مندوبین شریک ءُ۔ اوپارے کہ کانفرنس اٹی بشخ ہلنگ کن مندوبین آک ننا سیاسی حالیت آتے گوجالسا بسنو ہرا پاکستان کن شرفمندی نا سوب ءِ۔ بنجائی وزیر حوالکاری اپوزیشن جماعت خاص وڑاٹ ہمو مخلوق ہرافک کانفرنس ءِ بے سہب کننگ نا پبی کوشست کریر، ءِ خصوصی مبارکبادی پیش کرسا پارے کہ او آئی سی وزراء خارجہ کانفرنس سرسہبی اٹ برجاءِ۔
