مزن وزیر عمران خان ءَ گوں تاجکستان ءِ دری کارانی وزیر سراج الدین مہر دین ءِ گندء ُنند، کاسا 1000 پن بجلی منصوبہ ءِ پہ وہد سرجمی ءِ جزم ءِ د رشانی

اسلام آباد۔21مارچ  (اے پی پی): مزن وزیر عمران خان ءَ گوں دوشمبے ءِ روچءَ تاجکستان ءِ  دری کارانی وزیر سراج الدین مہر دین ءَ گندء ُنندکتگ۔ اے گندء ُنند اسلامی تعاون تنظیم ءِ 48 می دیوان ءِ موہ ءَ بوتگ۔ گندء ُنندءَ دونیمگی ھدوناکی ءِ درائیں پڑآں گیش بوتگیں دونیمگی کمک ءِ سرءَ سدکی ءِ درشانی کتگ۔ مزن وزیر کارگس ءِ میڈیا ونگ ءِ نیمگ ء َ چہ جاری بیان ءِ ردءَ مزن وزیر عمران خان ءَ پاکستان ء ُ تاجکستان ءِ نیام ءَ سفارتی سیادی   جوڑ بوہگ ءِ 30 می ودی روچ ءِ سرءَ دری کارانی وزیر ءَ را مراد بات داتگ۔  مزن وزیر ءَ ستمبر 2021 ءَ دوشنبہ ءَ وتی سرکاری ترءُتاب ءِ ہوالگ ءَ گپ کتگ ء ُ ترء ُتاب ءِ وہدءَ فیصلہ آنی سرءَ عمل درآمد کنگ ءِ سرءَ سدکی ءِ درشانی کتگ۔ آئی ءَ "وژن سنٹرل ایشیا” پالیسی ءِ ردءَ وسطی ایشیا ءِ گوما پاکستان ءِ گوما گیش بوتگیں نزیکی ءَ را  پدر کتگ ء ُ کاسا 1000 پاور پروجیکٹ ءِ پہ وہد سرجمی ءِ جزم ءِ درشانی کتگ۔