دری کارانی وزیر مخدوم شاہ محمود قریشی ءَ گوں امریکہ ءِ انڈر سیکرٹری عذرا ضیا   ءِ گندءُ نند، پاک امریکہ دونیمگی کمک ءِ سرءَ ھیال ء ُلیکہ ءِ درشانی 

اسلام آباد۔21مارچ  (اے پی پی): دری کارانی وزیر مخدوم شاہ محمود قریشی ءَ گوں او آئی سی دری کارانی وزیر کونسل ءِ 48 می دیوان ءِ موہ ءَ امریکہ ءِ انڈر سیکرٹری عذرا ضیا  نے ءَ دوشمبے ءِ روچءَ دری کارانی وزارت ءَ گندء ُنندکت گ۔ گند ء ُنند ءِ تہا پاک امریکہ دونیمگی سیادی ءِ سرءَ ھیال ء ُلیکہ ءِ درشانی کنگ بوتگ۔  دری کارانی وزیر ءَ انڈر سیکرٹری ءَ را  مقبوضہ جموں و کشمیر ءَ جاری انسانی حکانی  حلاپ ورزی کنگ ءَ چہ سرپد کتگ ۔  دری کارانی وزیر ءَ  اے گپ ءِ سرءَ زور پرداتگ کہ  پاکستان ء ُ امریکہ دوئیناں اوگانستان ءَ امنء ُایمنی، محکمی ء ُ دیمروئی ءَ را گیش کنگ ءِ ھاترءَ یک وڑیں کوشستاناں  پیلو کنگ ءِ ضلورت اِنت،۔