اسلام آباد۔ 22 مارچ (اے پی پی) او آئی سی وزرائے خارجہ کونسل نا چل ءُ ہشت می دیوان اٹی بشخ ہلنگ کن چندی ملک آتا وزیر خارجہ غاک و ڈل آک پارلیمنٹ ہاؤس آ سرمننگ نا بناءِ کرینو۔ ترکی نا وزیر خارجہ میولوت چاوش اولودیوان اٹی بشخ ہلنگ کن پارلیمنٹ ہاؤس آ سرمس تو وزیرخارجہ مخدوم شاہ محمود قریشی ترک ہم منصب ءِ بخیر کرے و ترک ہم منصب ءِ پاکستان آ بننگ آ بخیر اٹ پارے۔ ہڑتوم آ وزیر خارجہ غاتا نیام اٹ تہنیتی گپ وتران مس، مہمان تا بخیر کننگ کن خیسن ءُ قالین اس تالان کننگانے۔ وزیرخارجہ مخدوم شاہ محمود قریشی شرفمند آ وزرائے خارجہ غاتے بخیر کننگ ءِ۔ مسلم ملک آتا وزیرخارجہ غاک بھلو کچ اسے ٹی او آئی سی وزرائے خارجہ کونسل نا دیوان اٹی بشخ ہلنگ کن پاکستان آ بسنو۔ او آئی سی وزرائے خارجہ کونسل نا چل ءُ ہشت می دیوان یانزدہ بجہ غا دے انا پارلیمنٹ ہاؤس اٹی اڈ ہلیک۔ وزیراعظم عمران خان او آئی سی وزرائے خارجہ کونسل نا چل ءُ ہشت می دیوان نا بنائی سیشن آن تران کیک۔
