اسلام آباد۔ 22 مارچ (اے پی پی) وزیر خارجہ مخدوم شاہ محمود قریشی پارینے کہ چین، مسلم امہ تون تعلقداری تے ودفنگ خواہک۔ سے شنبے نادے آ او آئی سی وزرائے خارجہ کونسل نا 48 می دیوان نا بابت اسہ بیان اسے ٹی اوپارے کہ انشاء اللہ او آئی سی کانفرنس سرسہب مریک۔ پاکستان نا حاسد او آئی سی کانفرنس ءِ سرسہب مرسا ہُننگ خواپک۔ شاہ محمود قریشی پارے کہ بھارت داسہ ہم او آئی سی کانفرنس ءِ بے سہب کننگ کن دے و نن کوشست کننگ ءِ۔ اللہ نا کمک اوار ءِ انشاء اللہ او آئی سی کانفرنس ضرور سرسہب مریک۔ بھارت ءِ گڑتی ءِ کہ پاکستان دا کانفرنس اٹ کشمیر نا ویل ءِ ہرفک۔ اوپارے کہ نن دا کانفرنس اٹی مسلم امہ نا چکار ءِ کشمیر نا بگڑینگوک آ حالیت آتا کنڈآ کرفوئی ءِ۔ بلاول بھٹو ءِ او آئی سی کانفرنس نا ایجنڈا نا سمااف۔ کشمیر نا ویل ءِ دا کانفرنس اٹ ہرا اہمیت ءِ تننگک او مستین آن جتا مریک۔ شاہ محمود قریشی پارے کہ تاریخ اٹی اولیکو وار چینی وزیر خارجہ او آئی سی کانفرنس اٹ بشخ و تران کیک۔ چین، مسلم امہ تون تعلقداری تے ودفنگ خواہک۔
