اسلام آباد۔ 22 مارچ (اے پی پی) سینیٹ نا قائمہ کمیٹی حوالکاری و شینکاری نا چیئرمین سینیٹر فیصل جاوید خان پارینے کہ اسلامی کمکار تنظیم نا تاریخی کانفرنس نا مہمانداری پاکستان و مچ آ قوم اکن گمر نادے اسے۔ سے شنبے نادے آتینا ٹویٹ اٹی اوپارے کہ اینو نادے پاکستان و مچ آ قوم اکن گمر نادے اسے، ہراتم پاکستان اسلامی کمکار تنظیم نا وزرائے خارجہ کونسل نا تاریخی کانفرنس نا مہمانداری ءِ کننگ ءِ۔ دا اسہ بدل مروک پاکستان اسے۔ ننا مچ آ قوم ریاست، حکومت، پاکستان نا فوج اتون اوار غٹ ریاستی ادارہ غاک اواری اٹ پاکستان نا شونداری و شونہالی ٹی تینا گچین کڑد ءِ ادا کننگ ءُ۔
