اسلام آباد۔ 22 مارچ (اے پی پی) او آئی سی وزرائے خارجہ کونسل نا 48 می دیوان نا وخت آ وزیرخارجہ مخدوم شاہ محمود قریشی تون بحرین نا اونا ہم منصب عبدالطیف الزیانی اوڑدہی کرے۔ وزیرخارجہ او آئی سی وزرائے خارجہ کونسل نا چل ءُ ہشت می دیوان اٹی بشخ ہلنگ کن بننگ آ بحرین نا وزیر خارجہ نا منت واری ءِ ہرفے۔ ہڑتوم آ وزیرخارجہ غاتا نیام اٹ ہڑتوم آ کنڈآتا تعلقداری، چندی بشخ آتیٹی ہڑتوم آ کنڈآتا کمکاری نا مون آ دننگ تون اوار اہم علاقائی امور آ گپ وتران مس۔ وزیرخارجہ پارے کہ پاکستان ، بحرین تون تعلقداری تے خاص اہمیت ایتک۔ اوپارے کہ پاکستان و بحرین نا تعلقداریک اسہ وڑ عقیدہ، قدر، و دودوربیدگ نا بنداو آ ٹی ءُ۔ ہڑتوم آ وزیر خارجہ غاک ہڑتوم آ کنڈآتا تعلقداری تے پین سوگو کننگ نا عزم انا درشانی ءِ کریر۔ اوڑدہی ٹی علاقائی و جہانی جھیڑہ غاتا بابت امور آہم شرہ مس، بحرینی وزیر خارجہ جم وجوش اٹ بخیر کننگ و پرخلوص مہمانداری آ وزیرخارجہ مخدوم شاہ محمود قریشی نا منت واری ءِ ہم ہرفے۔
