اسلام آباد۔ 22 مارچ (اے پی پی) بنجائی وزیر حوالکاری و شینکاری چوہدری فواد حسین پارینے کہ وزیراعظم عمران خان نا حکومت ءِ مسہ تُو اٹی ارٹ میکو وار او آئی سی دیوان نا مہمانداری نا شرف دوئی مسنے۔ سے شنبے نادے آ تینا اسہ ٹویٹ اسے ٹی او پارے کہ مسلم دنیا غان چندی وزراء خارجہ و ڈل آک کانفرنس نا بنانا انتظار ءِ کننگ ءُ۔ تینا اسہ پین ٹویٹ اسے ٹی بنجائی وزیر حوالکاری او آئی سی وزراء خارجہ دیوان اٹی بشخ ہلوک آ ڈل آتا عکس آتے شیئرکرسا پارے کہ اپوزیشن خاص وڑاٹ ہمو خواجہ غاک ہرافک پورو کوشست کریر کہ وڑانا وڑاسے ٹی داکانفرنس سبوتاژمرے، دا عکس ءِ وزیراعظم نا دستخط آتون گدریفنگ اٹی اُٹ خدا پاکستان نا حامی و ناصر ءِ۔
