اسلام آباد۔ 22 مارچ (اے پی پی) پاکستان اسلامی کمکار تنظیم (او آئی سی ) وزرائے خارجہ کونسل نا 48 می دیوان نا چیئرمین شپ ءِ سنبھالا۔ سے شنبے نادے آ داڑے پارلیمنٹ ہاؤس اٹی او آئی سی وزرائے خارجہ کونسل نا 48 می دیوان اٹی 47 می دیوان نا چیئرنائیجر نا وزیر خارجہ ہاسومی مسعودی وزیرخارجہ شاہ محمود قریشی ءِ 48 می دیوان نا چیئرمین شپ ءِ تس۔ وزیراعظم عمران خان، اسلامی کمکار تنظیم نا سیکرٹری جنرل حسین براہیم طحہٰ ، سعودی عرب نا وزیر خارجہ شہزادہ فیصل بن سعود السعود و چین نا سٹیٹ قونصلر و وزیر خارجہ وانگ یی ہم داوخت آ ساڑی ئسر۔ نائیجر نا وزیر خارجہ ہاسومی مسعودی تینا بنائی تران اٹی مسلم امہ نا اجتماعی ہدف آتا دوئی کننگ کن کوشست، سرسہبی و گام گیج آتے مون آ تخا۔
