اسلام آباد۔ 19اپریل (اے پی پی) وزارت ڈٹ بندی وشونداری پلاننگ کمیشن نا شونداری کاریم تے کن جم وڑاٹ داوخت اسکان 2 ارب 51 کروڑ 90 لکھ روپئی آن زیات نا فنڈ جاری کرینے۔ حکومت دا ڈویژن نا شونداری کاریم تے کن 9 ارب 14 کروڑ 20 لکھ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت چین پاکستان اقتصادی راہداری سپورٹ پروجیکٹ کن 7 کروڑ 70 لکھ ، ڈویلپمنٹ کمیونیکیشن پروجیکٹ کن 6 کروڑ، پلاننگ کمیشن اٹی سوشل انٹر پرینیور شپ سنٹر نا اڈ تننگ کن 40 لکھ، نیشنل انڈوومنٹ فنڈ اسکالر شپ اکن 2 ارب ، جاوید اظفر کمپیوٹر سینٹر نا اپ گریڈیشن کن 4 کروڑ، ینگ ڈویلپمنٹ فیلوپروگرام کن 3 کروڑ 60 لکھ، پی پی ایم آئی سینٹر آف ایکسلینس کن 7 کروڑ روپئی تون اوار چندی شونداری ڈٹ آتے کن فنڈ جاری کرینے۔
