اسلام آباد۔ 21 مارچ (اے پی پی) وزیراعظم عمران خان اومیت ظاہر کرینے کہ ریکوڈک خیسن و مِس انا کانڑ انا شونداری نئے بیرہ بلوچستان بلکن مچ آ پاکستان نا راجی و اقتصادی شونداری ٹی اہم ءُ کڑد اس ادا کیک ۔ دوشنبےنادے آ وزیراعظم تون چیئرمین سینیٹ محمد صادق سنجرانی وڑدہی کرے۔ چیئرمین سینیٹ بلوچستان اٹ ریکوڈک خیسن و مِس انا کانڑ انا شونداری آن بیدس کم و ود 11 بلین ڈالر نا جرمانہ نا معافی کن حکومت نا بیرک گولڈ کمپنی تون سرسہب معاہدہ غا وزیراعظم نا منت واری ءِ ہرفے۔ دا معاہدہ نا رداٹ بیرک گولڈ بلوچستان اٹی 10 بلین ڈالر نا زرکاری کیک ہراڑآن علاقہ ٹی 8000 پوسکن ءُ ملازمت ودی مریک ۔ وزیراعظم اومیت ظاہر کرے کہ ریکوڈک خیسن و مِس انا کانڑ انا شونداری نئے بیرہ بلوچستان بلکن مچ آ پاکستان نا راجی و اقتصادی شونداری ٹی اہم ءُ کڑد اس ادا کیک۔
