اسلام آباد۔ 21 مارچ (اے پی پی) سویلی افریقی بحریہ نا سروک وائس ایڈمرل موسوواسیموئل ہولونگوان نا نیول ہیڈکوارٹرز اسلام آباد نا دورہ ءِ کرے و پاک بحریہ نا سروک ایڈمرل محمد امجد خان نیازی تون اوڑدہی کرے۔ اوڑدہی ٹی تین پہ تینی است خواہی نا امور و ہڑتوم آ کنڈآتا بحری کمکاری آ گپ وتران کننگا۔ ترجمان پاک بحریہ نا رداٹ نیول ہیڈکوارٹر ز آ بننگ آ ایئرچیف شرفمند …
پاک بحریہ نا سروک ایڈمرل محمد امجد خان نیازی تون سویلی افریقی بحریہ نا سروک نا اوڑدہی
گیشتریں ھال
اسلام آباد۔ 21 مارچ (اے پی پی) سویلی افریقی بحریہ نا سروک وائس ایڈمرل موسوواسیموئل ہولونگوان نا نیول ہیڈکوارٹرز اسلام آباد نا دورہ ءِ کرے و پاک بحریہ نا سروک ایڈمرل محمد امجد خان نیازی تون اوڑدہی کرے۔ اوڑدہی ٹی تین پہ تینی است خواہی نا امور و ہڑتوم آ کنڈآتا بحری کمکاری آ گپ وتران کننگا۔ ترجمان پاک بحریہ نا رداٹ نیول ہیڈکوارٹر ز آ بننگ آ ایئرچیف شرفمند آ مہمان ءِ بخیر کرے۔ داوخت آ اودے روایتی وڑاٹ گارڈ آف آنر پیش کننگا۔ سویلی افریقی بحریہ نا سروک یات گار شہداء آ پھل آتا چادر اس شاغا و نیول ہیڈکوارٹرز اٹی پرنسل اسٹاف آفیسر آتون اونا درستی راستی ءِ کرفنگا۔ سروک سویلی افریقی بحریہ ءِ ڈیہہ ٹی امن کن پاک بحریہ نا کڑد و کاریم نا کچ انا بابت حوال تننگا۔ شرفمند آ مہمان ڈیہہ ٹی بحری سوگوی ءِ پک کننگ کن پاک بحریہ نا کوشست آتا ستاءِ کرے۔ سروک سویلی افریقی بحریہ نا دورہ غان ہڑتوم آ ملک آتا نیام اٹ تین پہ تینی تعلقداری تے پین مون آ دننگ رسینگک۔
