گیمبیانا وزیر خارجہ ڈاکٹر میمدوتنگاراتون اوار چندی ملک آتا ڈل آک اسلامی کمکار تنظیم کونسل آف فارن منسٹرز نا 48 می دیوان اٹی بشخ ہلنگ کن اسلام آباد آ سرمسر

اسلام آباد۔ 21 مارچ (اے پی پی) گیمبیا نا وزیر خارجہ ڈاکٹر میمدوتنگارا تون اوار چندی ملک آتا ڈل آک اسلامی کمکار تنظیم کونسل آف فارن منسٹرز نا 48 می دیوان اٹی بشخ ہلنگ کن دوشنبے نادے آ اسلام آباد آ سرمسر۔ مالدیپ نا او آئی سی نا آخبتی مندوب محمد خلیلک ہم دیوان اٹی بشخ ہلنگ کن اسلام آباد آ سرمس۔ ترکی آن او آئی سی کونسل آف فارن منسٹر نا 48 می دیوان اٹی بشخ ہلنگ کن ڈل اسلام آباد آ سرمس۔ داکان بیدس بنگلہ دیش نا آخبتی مندوب او آئی سی محمد جاوید پٹواری ہم دیوان اٹی بشخ ہلنگ کن اسلام آباد آ سرمس۔ اسلام آباد آ سرمننگ آ وزارت خارجہ نا بڑزکو کمامدارآک شرفمند آ مہمان تے بخیر کریر۔