لیبیا نا آخبتی مندوب نا کماشی ٹی ڈل اسلامی کمکار تنظیم نا کونسل آف فارن منسٹرز نا 48 می دیوان اٹی بشخ ہلنگ کن اسلام آباد آ سرمس

اسلام آباد۔ 21 مارچ (اے پی پی) لیبیا نا آخبتی مندوب نا کماشی ٹی ڈل اسلامی کمکار تنظیم نا کونسل آف فارن منسٹرز نا 48 می دیوان اٹی بشخ ہلنگ کن اسلام آباد آ سرمس۔ دوشنبے نادے آ فاؤزی محمد منظر کبارانا کماشی ٹی دا ڈل اسلام آباد آ سرمس ہراڑے وزارت نا بڑزکو کمامدارآک اودے جم و جوش اٹ بخیر کریر ۔ داکان بیدس سویڈن ، چاڈ، ایس ای ایس آرآئی سی، آئی پی ایچ آر سی، آئی سی ڈی ٹی و آئی آر سی آئی سی اے نا ڈل آک ہم دیوان اٹی بشخ ہلنگ کن اسلام آباد آ سرمسر۔