آرٹیکل 63۔ اے انا رداٹ ریفرنس سپریم کورٹ ءِ دا موقع تننگ ءِ کہ ملک اٹی برجا ہارس ٹریڈنگ ، موقعہ پرستی و کرپشن نا راگ ہمیشہ کن چٹنگ کے، بنجائی وزیر حوالکاری و شینکاری چوہدری فواد حسین

اسلام آباد۔ 21 مارچ (اے پی پی) بنجائی وزیر حوالکاری و شینکاری چوہدری فواد حسین پارینے کہ آرٹیکل 63۔ اے نا رداٹ ریفرنس سپریم کورٹءِ دا موقع تننگ ءِ کہ ملک اٹی برجا ہارس ٹریڈنگ ، موقعہ پرستی و کرپشن نا راگ ہمیشہ کن چٹنگ کے۔ دوشنبے نادے آ تینا اسہ ٹویٹ اسے ٹی چوہدری فواد حسین پارے کہ پی ٹی آئی آن منحرف باسک آک تینا جماعت آخا ملک انا بج اٹ خنجر اس خلکونو، اوفتے سزا تننگ ہنداوڑ اہم ءِ دُن کہ ملک انا غدار تے تننگک۔