اسلامی ملک آناں نوکیں  گواچن آنی ر دءَ    باز ھیال داری ءِ گوما نوکیں میاں  اوستمانی نظام ءَ  وتی    یک مردمی ءُ    باز مردمی مول  ءُ مراد آنی در  جنگ  بوت کنت،  مزن وزیر عمران کان ءِ  بن گپ  ءِ  رد ءَ ھیال ریچی 

اسلام آباد۔20مارچ  (اے پی پی): مزن وزیر عمران  خان ءَ  گوشت کہ  اے گپ ءِ سر ءَ  زور پر داست  کہ اسلامی  ملک آناں نوکیں  گواچنی  رد ءَ      باز ھیال داری ءِ گوما   سہرا بوھوکیں میاں اوستمانی نظام  ءَ  وتی    یک مردمی ءُ   باز مردمی   مول ءُ مراد  آنی در   جنگ ءَ    بوت  کنت۔  مزن وزیر   ءَ  "عرب نیوز”  ءَ  شنگ بوھوکیں  وتی بن گپ  ءَ گوشت کہ  اے مول ءُ مراد ءِ در   جنگ ءِ واستہ وتی  درستاں چہ گیش   رھبند آنی در جنگ ءَ را  مھکم دار گ ءُ وتی  وت مستری ءُ  دمگی سالمیت  ءَ را دیمروئی دیگ لوٹ ایت۔  ٹوھیں ھاٹیگ  آناں  دژمن آں  گوں  دست مانجن  بوھگ ءَ چہ  رکھگ  لوٹ  ایت۔    میان اوستمانی  اسلامی جیڈھ  ءُ  کشاں چیل آنی گیواری کنگ لوٹ  ایت  ءُ گیر ملکی  دست مانجنی ءَ را   دارگ لوٹ ایت۔   مزن وزیر ءَ ا ے بن گپ پاکستان ءِ میزبانی ءَ  22-23 مارچ  ءَ را اسلامی  کمکی گل ءِ وزیر  ءِ درئی کار ءَ 48  دیوان ءِ  رد ءَ   نبشتہ کتگ۔   آئی ءَ گوشت کہ  یوم پاکستان ءِ 75   سالروچ ءِ موہ ءَ   اسلام آباد  ءَ اسلامی وزیر  ءِ درئی  کانفرنس  ءِ برجائی پاکستان ءِ گوما  مسلمان  آنی  یکجائی ءِ گیر  معمولی  درشان انت۔  مزن وزیر ءَ گوشت کہ   اسلام آباد  دیوان ءِ   میاں  اوستمانی  تاریخ  ءِ نازکیں  وھد ءُ پاس ءَ بوھگ ءَ انت۔  1945  ءَ  جوڑ بوھوکیں  میاں اوستمانی  سلامتی  ءُ اقتصادی  نظام ءِ کوکا ءِ  ھاٹیگ   ءِ   بار بار یک نیمگی کارمرز،  یک نوکیں  ” سرد جنگ”  ءُ   یونائیٹڈ نیشن  ءُ   ءِ نیام ءَ  ءُ  گیش بوھوکیں  کشاں چیل،  کوویڈ 19 نادرراھی، موسمی مٹ ءُ بدلی ءِ  رند  پد  ءُ  ٹیکنالوجیل ءِ آشوب ءِ نتیجگ ءَ ھلاس  کنگ بوتگ۔  مزن وزیر   ءَ گوشت کہ  اسلامی  کمکی گل دگنیا ءِ دومی  درستاں چہ  مستریں    حکومتی گل انت   ءُ  اسلامتی دگنیا  ءِ   مستریں گوانک   ءِ سروکی ءَ کنت۔