ریکوڈک  منوگری ءَ چہ بلوچستان ءَ ٹوھیں کساس ءَ سرمایہ کاری  ءِ بنگیج ، صوبگ ءَ لس  شہری آنی  زندمان ءِ کد ءُ بالاد مٹ بیت،  مزن وزیر عمران خان ءِ ریکوڈک منوگری ءِ سر ءَ دست چنگلی مراگش  ءَ گوں گشتانک  

اسلام آباد۔20مارچ  (اے پی پی): مزن وزیر عمران خان ءَ  گوشت کہ بلوچستان  ءُ ملک ءِ  پشمندگیں دمگ آنی دیمروئی ءِ واستہ  آئی ءِ حکومت سرجمیں دلگوشی دیگ ءَ انت،  ریکوڈک منوگری  ءَ چہ بلوچستان ءَ ٹوھیں کساس ءَ سرمایہ کاری ءِ بنگیج  بیت  ایشی ءَ چہ بلوچستان ءَ لس  شہری  آنی زندمان  مٹ بیت۔  مزن وزیر   میڈیا کارگس ءِ  نیمگ ءَ جاڑی بوتگیں بیان ءِ رد ءَ مزن وزیر عمران  خان  ءَ  یک شمبے ءِ روچ ءَ چاغی  ءَ   پوپل ءُ  سہر  ءِ  چات  آنی  دیمروئی ءِ ھوالگ ءَ   ٹیتھیان کاپر کمپنی (ٹی سی سی) ءِ گوما  دراج بریں  وھد ءُ پاس ءَ جاڑیگیں ریکوڈک کشاں چیل ءُ جیڈھ آناں کامیاتی ءَ گوں  گیواری کنگ ءَ چہ  پد  حکومت ءِ پاکستان،  حکومت   ءِ بلوچستان ءُ کینیڈا  ءِ بیرک گولڈ کارپوریشن  ءِ نیام  ءَ بوھوکیں   منوگری ءِ سر ءَ دست چنگلی مراگش  ءَ بھر  زوری کت۔  نوکیں منوگری ءِ سر ءَ    یک شمبے ءَ   بنجاھ ءُ بلوچستان  حکومت  ءِ نماھندگ ل ءُ بیرک گولڈ  ءِ چیف  ایگزیکٹو ڈاکٹر مارک برسٹو ءَ سروکی ءَ ڈل ءَ دست چنگل جت۔  مزن وزیر ءَ   اے موہ ءِ سر ءَ ھیال  آنی درشانی کت کہ بلوچستان ءُ ملک ءِ پشمندگیں  دمگ آنی دیمروئی ءِ واستہ   آئی ءِ  حکومت   سرجمیں دلگوشی  دیگ ءَ انت۔  مزن وزیر ءَ امیت  سہرا کت کہ  اے سرمایہ کاری  ءَ چہ بلوچستان  ءَ  ٹوھیں کساس ءَ سرمایہ کاری  ءِ بنگیج  بیت  ایشی ءَ  چہ  بلوچستان  ءَ لس  شہری  ءِ  زندمان  مٹ  بیت۔  مزن وزیر   ءَ بلوچستان ءِ الس  آنی واستہ ساپ ءُ سلہ ءُ  جوانیں منوگری  کنگ ءِ   پد ءَ سول ءُ ترانی ٹیمب  آنی کوشست آنی توسیپ کت۔  ایشی ءَ چہ  پیسر  مزن وزیر عمران خان  ءَ بیرک  گولڈ کارپوریشن  ءِ ڈل  ءَ گوں  گند ءُ نند کت۔ پاکستان ءَ کینیڈا  ءِ  ہائی کمشنر  وینڈی گلمور  ھم اے موہ ءِ سر ءَ  ساڑی ات۔