فیصل آباد ۔19مارچ (اے پی پی):وزیر ءِ مملکت اھوالکاری ءُ شنگ کاری فرخ حبیب ءَ گوشت کہ مزن وزیر عمران خان ءِ منی گس منی پاکستان منصوبگ ملکی تاریخ ءِ دروری گامگیج ءُ حکومت ءِ جوانیں کار ات ایشیءَ چہ کمو کٹ کنوکیں مردم آناں وتی گس ءُ لوگ ءِ آسراتی پجاری بوت کنت انوگ ءَ چہ اے وھد ءَ 350 ارب کلدار ہاوسنگ فنانس لونز ءِ واستہ دزبندی گرگ بوتگ، 150 ارب کلدار ءِ واام منصوبر، 56 ارب کلدار جاڑی ءُ ایشی ءِ سر ءَ حکومت ءَ 4 ارب کلدار ءِ سبسڈی ھم داتگ ایشیءَ چہ مردم آں وتی گس ءِ جوڑیشت ءِ بندات کتگ اے رنگ ءَ مزن وزیر ءَ مردم آناں ھما 50 لکھ گس دیگ ءِ سوگند کتگ بوتگ ایش نوں 50 لکھ گس آں چہ گیش بوتگ ءُ لکھانی کروڑاں مردم آں وتی کم آمدنی ءَ چہ وتی زات گس جوڑ کتگ۔ نوں زوت وتی زاتی گس جوڑ کنا ایشی ءِ تہ ءَ ایوک ءَ کست دیگ کپ ایت۔ امینچو کرایہ کہ آ کرایہ والا گس ءَ دینت ھمے زر آنی نیم ءَ ایشی ءِ کست ءَ بدینت ءُ کمو وھد ءُ پاس ءِ اندر ءَ وتی گس ءِ وت مالگ جوڑ بنت۔ آ شمبے ءِ روچ ءَ سٹیٹ بینک آف پاکستان ءِ چیر دستی ءَ سرکل کلب فیصل آباد ءَ بندات بوھوکیں دو روچی ٹوھیں مراگش “منی پاکستان منی گس” میلہ ءِ بنگیجی مراگش ءَ گوں گشتانک دیگ ءَ ات۔
