اسلام آباد۔19مارچ (اے پی پی): سپریم کورٹ آف پاکستان ءَ سہرا کتگ کہ اسلام آباد ءَ سیاسی گل آناں مچی برجم دارگ ءَ چہ مکن کنگ ءِ ھوالگ ءَ وت نوٹس زورگ نہ بوتگ۔ سپریم کورٹ ءِ نیمگ ءَ جاڑی بوتگیں بیان ءِ رفد ءَ سپریم کورٹ بار ایسوسی ایشن ءِ صدر احسن بھون ءِ پٹیشن نمبر سی پی 2/2022 ءِ سر ءَ سپریم کورٹ آف پاکستان گوشداری کنگ ءَ انت۔ ایشی ءِ اندر ءَ عدم اعتماد ءِ ووٹنگ ءَ چہ پیسر اسلام آباد ءَ مچی برجم دارگ ءَ چہ سیاسی گل آناں مکن کنگ بہ بیت۔ یات دارگ بہ بیت کہ سپریم کورٹ اے پٹیشن ءِ سر ءَ 19 رمس شمبے ءِ روچ ءَ گوشداری کنگ ءَ انت۔ سپریم کورٹ ءِ بنچ نمبر یک اے پٹیشن ءِ گوشداری ءَ کنگ ءَ انت ایش چیف جسٹس آف پاکستان جسٹس عمر عطا بندیال ءُ جسٹس میب اختر ھوار انت۔
