اسلام آباد۔19مارچ (اے پی پی): وزیر ءِ درئی کار شاہ محمود قریشی ءَ گوشت کہ سرجمیں دگنیا اسلامو فوبیا ءَ گوں گر ءُ چیل بوھگ ءِ ھوالگ ءَ تپاک بوتگ، ا و آئی سی دیوان ءَ سد ءَ چہ گیش منوگری باست ءُ واست کنگ بوتگ۔ کشمیر ءِ جیڈھ ءَ را سرجمیں دگنیا ءَ دلگوشت کنائیناں۔ آ شمبے ءِ روچ ءَ وزارت ءِ اھوالکاری ءُ شنگ کاری فواد حسین ءِ ھمبراہ ءَ او آئی سی وزیر ءِ درئی کار کونسل ءِ 48 چیل ءُ ھشتمی دیوان ءِ سرکاری سوت ءِ بنگیجی مراگش ءَ گوں گشتانک دیان ءَ کت۔ وزیر ءِ درئی کار ءَ گوشت کہ پاکستان لستیں ماہ ءَ دومی رند ءَ امت مسلمہ ءِ میزبانی ءَ کنگ ءَ انت ایش شرپ ءِ گپ انت۔ اے دیوان ایشی ءِ واستہ باز بے درور انت کہ اے پاکستان ءِ 75 سالروچ آجوئی ءِ موہ ءَ برجم دارگ بوھگ ءَ انت۔ آئی ءَ گوشت کہ او آئی سی ءِ وزیر ءِ درئی کار 23 مارچ ءَ پریڈ ءَ بھر زوری ھم کن انت۔ گری ملکی مہمان مئے دود ءُ ربیدگ ءُ اے روچ ءَ کہ روچی یکوئی ءِ درشان بوھگ ءَ انت ، ایشی ءَ چار انت۔ وزیر ءِ درئی کار ءَ گوشت کہ او آئی سی دیوان ءِ واستہ وزارت ءِ ا ھوالکاری ءُ شنگ کاری ءِ باز کوشست انت۔ آئی ءَ گوشت کہ دیوان اے وھد ءَ بوھگ ءَ انت کہ توامیں مسلمان گوں فلسطین ءِ جیڈھ ءُ کشمیر ءِ جیڈھ ءَ ھوار بازیں جیڈھ آنی گوما دیم پہ دیمی انت۔ انوں کشمیر ءُ فلسطین ءِ جیڈھ باز ارزشتی انت۔ اوگانستان ءَ ھم بنی آدمی ڈکالی جاڑی انت۔ اے جیڈھ آنی گوما گر ءُ چیل بوھگ ءِ رد ءَ ھیال ریچی ءِ موہ رسیت۔ آئی ءَ گوشت کشمیر ءِجیدھ ءَ را سرجمیں دگنیا ءِ دلگوشی ءَ کنائیناں۔ او آءی سی وزیر ءِ درئی کار کونسل ءِ چیل ءُ ھشتمی دیوان ءِ واستہ جاڑیگ کتگیں سوت ءَ را نامداریں گلوکار ظفر علی ظفر ءَ الہان کتگ ءُ دوارگ جوڑ کتگ ءُ ویڈیو الکریم بیگ ءَ تیار کتگ۔
