اسلام آباد۔18مارچ (اے پی پی): مزن وزیر عمران خان ءَ گوشت کہ پاکستان ءُ نائیجیریا ءِ نیام ءَ دیمپانی، سیکورٹی ءُ ناشرکاری ءِ شوبگ گیش بوھوکیں دو نیمگی کمک لائک ءِ ستا انت، اسلاموفوبیا ءَ گوں گر ءُ چیل بوھگ ءِ میاں اوستمانی روچ ءِ برجم دارگ ءِ منوگری یونائیٹڈ نیشن ءِ جنرل اسمبلی ءَ وت مہ وتی تپاکی ءَ گوں منظور بوتگ ءُ مسلمان آنی ھلاپ ءَ جنگ ءُ چوپ ءِ ھلاسی ءُ نیک راھی آناں وت مہ وتی یکوئی ءُ دیمروئی رس ایت۔ آدینگ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ نائیجیریا ءِ وزیر ءِ دیمپان میجر جنرل (ر) بشیر صالحی میگا شی ءَ مزن وزیر ءَ گوں گند ءُ نند کت۔ اے موہ ءِ سر ءَ مزن وزیر ءَ یکجائی تاریخ، دود ءُ ربیدگ ءُ گامگیج ءَ را سہرا کنان ءَ دو نیمگی یکوئی آناں مھکمی ءَ را ساڑات۔ مزن وزیر ءَ اے موہ ءِ سر ءَ نائیجیریا ءِ صدر محمد بخاری ءِ گوما بوھوکیں ٹیلی فون ءِ سر ءَ تران آنی ھوالگ ءَ دیان ءَ امیت سہرا کت آ زوتاں زوتاں چہ زوت موہ رسگ ءِ پد ءَ پاکستان آئی ءَ را وش اتک کنت۔
