اسلام آباد۔ 18 مارچ (اے پی پی) وزیرخارجہ مخدوم شاہ محمود قریشی پارینے کہ سندھ ہاؤس اٹی انت کہ مننگ ءِ او میثاق جمہوریت آن چپ ءِ، اینو نود نا عشرہ نا سیاست ءِ دُوارہ کننگ انگ ءِ، پارلیمنٹ نا محافظ آتا دو تے ٹی اگہ پارلیمنٹ ءِنسخان رسینگے تو ہندا پاننگک کہ دا اُراءِ خاخر لگا اُرانا چراغ آن۔ جمعہ نادے آ ملکی سیاسی حالیت آتا بابت تینا اسہ بیان اسے ٹی وزیرخارجہ پارے کہ ہر باسک باوقار مخلوق نا گچین کروک ءِ و او تینا ضمیر نا رداٹ تینا فیصلہ غاتا کننگ نا پابند ءِ۔ فیصلہ اس کننگ آن مست دا اومیت آتے ذہن اٹ تخوئی مریک ہرا حلقہ نا الس گچین کرسا نم تون وابستہ کرے۔ اوپارے کہ اینو نود نا عشرہ نا سیاست ءِ دوارہ کننگ انگ ءِ، ہندا وڑنا سیاست نا برخلاف میثاق جمہوریت اتنگاسس ولے سندھ ہاؤس اٹی انت کہ مننگ ءِ او میثاق جمہوریت آن چپ ءِ۔ شاہ محمود قریشی پارے کہ سندھ اٹی گورنر راج نا سلاہ نا حق اٹی افٹ۔ اوپارے کہ اینو وزیراعظم عمران خان نا کماشی ٹی پولیٹیکل کمیٹی نا دیوان ءِ ای مستین نا آزموندہ غاتے مون آتخسا ہموڑے ہم تینا نقطہ نظر ءِ پیش کیوہ۔ وزیرخارجہ پارے کہ بھارت داسکان دا مبینہ ’’حادثاتی میزائل فائر‘‘ نا است جم ورندی تتنے۔ اوغانستان نا حالیت آک غٹ انا مون آٹو۔ یوکرین اٹی ودوک آ بے چیٹی نا سوب ، تیل انا نہاد آتیٹی ودکی مننگ ءِ، ہراڑآن زرگزران آ بھاریم پین ودک۔ داحالیت آتیٹی غیر یقینی حالیت ودی کننگ، جمہوریت نا فائدہ ٹی ءِ نئے زرگزران نا فائدہ ٹی ءِ و نئے پاکستان نا الس نا فائدہ ٹی ءِ۔ ہموفک ہرا اقتدار نا ہوس کن ملک اٹی غیریقینی حالیت ودی کننگ ءُ اوفک تینا فیصلہ غا نظر ثانی کیر۔
