وزارت آپ ئُُ توان ئِ کمیگ ئَ را پورا کنگ ئِ ھاترا اشتاپیں بُنیات آنی سر ئَ توامیں آسراتی آنی کارمرد کنگ ئِ پنت ئُُ شون
اسلام آباد ۔ 18 اپریل (اے پی پی) مزن وشری محمد نواز شریف نئَ وزارت آپ ئُُ توان ئِ کمیگ ئَ را پورا کنگ ئِ ھاترا اشتاپیں بنیات آنی سر ئَ توامیں آسراتی آنی کارمردکنگ ئِ پنت ئُُ شون دیان ئَ گوشت کہ اُلس ئَ را رستگیں تکلیف آناں زوت دور کنگ بیت ئُُ زمہ وار آنی ھلاپ ئَ کاروائی کنگ بیت تانکہ آیوکیں وھد ئَ اے وڑیں جاور مہ بیت۔ آئی ئَ اے گپ توان ئِ کمیگ ئِ بابت کابینہ کمیٹی برائے توانائی ئِ ھاسیں دیوان ئِ سروکی ئَ کنان ئَ آئی ئَ گوشت اَنت۔ مزن وزیر ئِ نیمگ ئَ چہ جاڑی بوتگیں سئے شمبے ئِ جاڑٰں بوتگیں توان ئِ جوڑشت ئِ تہ ئَ کمیگ ئِ رھبند ئِ سر ئَ چار ئُُ تپاسی گرگ بوت۔ مزن وزیر ئَ سیادی داروکیں محکمہ آنی نیمگ ئَ چہ کوتاھی کنگ ئِ سر ئَ نہ وشی ئِ درشان کُت آئی ئَ موسم ئِ گرمی ئُُ ڈیم آنی تہ ئَ آپ ئِ کمیگ ئَ را چم آنی چیر ئَ نہ کنگ ئُُ وھد ئَ پیسر منصوبگ چیا نہ کتگ۔ مزن وزیر ئَ پنت ئُُ شون دات کہ اشتاپیں رنگ ئَ اُلسی جیڈھ ئَ را پیلو کنگ بہ بن۔ ھرچی کہ بوت کنت ہولوڈشیڈنگ ئِ تہ ئَ کمیگ کنان ئَ اُلس ئَ را ریلیف دیگ بیت۔ وزارت ئِ آپ ئُُ توا ن ئِ نیمگ ئَ گیشیں گرمی بوھگ ئِ شبین ئَ چہ توان ئِ لوٹ ءِ تہ ئَ یک دم گیش بوتگ ایش 2500میگاواٹ ئَ چہ گیش اِنت ڈیم آنی تہ ئَ آپ ئِ لوٹئِ تہ ئَ کساس نہ رسیت۔ آمیت اِنت کہ گرمی گیش بوھگ ئَ چہ آپ ئِ آیگ ئِ رچ بندات بیت گڈا ڈیم آں چہ توان ئِ پیداک بوھگ گہتر بیت۔ مزن وزیر ئَ وزارت ئِ آپ ئُُ توان ئِ گال آنی سر ئَ نہ وشی سہرا کُت ئُُ پنت ئُُ شون دات کہ گیشینتگیں وھد ئُُ پاس آنی تہ ئَ منصوبگ ئِ سرجم نہ کنوکیں کارندہ آناں زمہ وار کنگ بہ بنت تانکہ آیوکیں وھد ئَ اے وڑیں جاور ھال آں گوں دیم پہ دیمی مہ بیت۔ آئی ئَ گوشت کہ استیں کمیگ ئَ را سرجم کنگ ئِ واستہ توامیں آسراتی آناں کارمرد کن آں ئُُ اُلس ئَ را توان پجارین آں۔
