اسلام آباد۔ 18 مارچ (اے پی پی) بنجائی وزیر حوالکاری و شینکاری چوہدری فواد حسین تون پاکستان تحریک انصاف نیویارک نا صدر امجد نواز نا کماشی ٹی ڈل جمعہ نادے آ داڑے اونا دفتر اٹی اوڑدہی کرے واوورسیز کنونشن تون اوار ایلو اہم سیاسی امور آ گپ وتران کرے۔ داوخت آ بنجائی وزیر حوالکاری اوورسیز کنونشن اٹی تحریک انصاف نیویارک نا ڈل انا بشخ ہلنگ آ خصوصی منت واری ءِ ہرفے۔ بنجائی وزیر حوالکاری پارے کہ حکومت اوورسیز پاکستانی تا ویل آتا ایسر کننگ کن ہرممکن گام گیج کننگ ءِ ، اوورسیز پاکستانی تے وونٹ انا حق تننگ کن ملک انا تاریخ اٹ اولیکو وار حکومت اس توار بڑز کرے و اوفتے دا حق ءِ تس۔ صدر تحریک انصاف امجد نواز اوڑدہی ٹی پارے کہ اوورسیز پاکستانیز پی ٹی آئی نا حکومت تون سلوک ءُ ، ملکی شونداری ٹی اوورسیز پاکستانی تا اہم ءُ کڑد اسے، اوورسیز پاکستانیک ملک ءِ زرگزرانی وڑاٹ سوگو کننگ اٹ تینا کڑد ءِادا کرسا کیرہ۔ اوپارے کہ اوورسیز پاکستانیز ملک انا زرگزرانی شونداری کن وزیراعظم عمران خان نا دست و بازو مریرہ۔ اوپارے کہ انشاء اللہ اپوزیشن تینا عزم اٹ بے سہب مریک و عمران خان اسہ وار ولدا سرسہب مریک۔
