ہری پور۔ 18 مارچ (اے پی پی) بنجائی وزیر اقتصادی امور عمرایوب خان پارینے کہ وزیراعظم پاکستان عمران خان وخت اس ہم تینا اصول آتیا سمجھوتہ کپک، اللہ تعالیٰ آن بیدس کس اسے نا مون آ شیف مفک، تحریک بے پتی آن پد ننا حکومت پین سوگو مرسا مون آ بریک۔ اقوام متحدہ ٹی اسلاموفوبیا ڈے انا قرارداد نا منظوری وزیراعظم عمران خان نا کریڈٹ ءِ۔ سندھ حکومت نا کرپشن نا پیسہ غاتے کاریم اٹ اتسا باسک آتا وفاداری و ضمیر ءِ ہلنگ انگ ءِ۔ داخیال آتا درشانی ءِ او غازی ٹی تینا آفس اٹی تحصیل غازی نا یونین کونسل آتے بجلی ناپولز انا فراوانی نا بابت اڈ ہلوک دود آن تران اٹی کرے۔ بنجائی وزیر عمرایوب خان پارے کہ وزیر اعظم عمران خان ننا لیڈر ءِ ہراملک ءِ شونداری نا کنڈآ دننگ ءِ۔ کورونا ٹی بنجائی حکومت 350 ارب نا کورونا ویکسین الس ءِ مفت فراوان کرینے۔ جان جوڑی کارڈ آن دہ ءُ نیم لکھ روپئی نا مفت درمان نا آسراتی فراوان کرینے۔ عمران خان ملک انا الس آ پیسہ غاتے خڑچ کننگ ءِ وخت اس کہ اپوزیشن تینا جیب آتے پُر کرینے۔ اوپارے کہ انشاء اللہ تحریک بے پتی بے سہب مریک حکومت مست آن زیات سوگو مرسا بریک۔
