پارٹی ءِ اِلنگ و ایلوٹی اوار مننگ کن کانود ساڑی ءِ، آرٹیکل 63 ون اے نا رداٹ اسپیکر ءِ پارٹی سروک نا چٹھی آن پد باسک انا وونٹ شمار مفک، بنجائی وزیر حوالکاری چوہدری فواد حسین

اسلام آباد۔ 18 مارچ (اے پی پی) بنجائی وزیر حوالکاری و شینکاری چوہدری فواد حسین پارینے کہ پارٹی ءِ اِلنگ و ایلو ٹی اوار مننگ کن کانود ساڑی ءِ ، آرٹیکل 63 ون اے نا رداٹ اسپیکر ءِ پارٹی سروک نا چٹھی آن پد باسک انا وونٹ شمار مفک۔ جمعہ نادے آ تینا اسہ بیان اسے ٹی چوہدری فواد حسین پارے کہ باسک آک تینٹ پارینو کہ اوفک پارٹی  ءِ اِلانو۔ داباسک آتا برخلاف کارروائی مریک و اوفتا نابودی ہم تاحیات مریک، وزیراعلیٰ سندھ نیزگار الس نا پیسہ غاتے مخلوق نا ضمیر نا ہلنگ کن گدریفے، سندھ اٹی کُننگ کن ساف ءُ دیر اف، جان جوڑی نا نظام نا براحال ءِ و سندھ انا حکمران  ہلنگ و بہاکننگ اٹ لگوک ءُ، حکومت تون وسیلہ مریک، ہنداخاطرآن ہلنگ و بہاکننگ آسان ءِ۔ چوہدری فواد حسین پارے کہ ہراتم بے نظیر بھٹو نا برخلاف تحریک بے پتی بس تو وسیلہ غاتے کاریم اٹ اتسا تحریک ءِ بے سہب کننگاسس۔