اسلام آباد۔ 18 مارچ (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل پارینے کہ ن لیگ تون چھانگا مانگا سیاست آن بیدس پین ہچ اس اف، اوازل آن ہلنگ و بہاکننگ نا کمک اٹ اقتدار اٹ بسنے۔ جمعہ نادے آ شاہد خاقان عباسی نا بیان آتینا ردعمل اٹی اوپارے کہ نابود لیگ اتون چھانگا مانگا سیاست آن بیدس پین ہچ اس اف۔ اوازل آن ہلنگ و بہاکننگ نا کمک اٹ اقتدار اٹ بسنے ہرا جمہوری روایت آتیان چپ ءِ۔ ن لیگ نا سرکڑدہ نا سیاسی سوچ اونا پارٹی ٹی ہم مون آ ہنانے۔ نابود درباری ببانگ دہل ہارس ٹریڈنگ نا اعتراف کرے۔ اوپارے کہ ن لیگ اٹی شیف آن بڑزاسکان ضمیر بہاکروک تولوک ءُ۔ الس نا وونٹ آتے اٹ بفروک آ ہی غیر جمہوری ’’قومی حکومت‘‘ نا ہیت ءِ کننگ کیک۔
