اسلام آباد۔17مارچ (اے پی پی):اسلامی نظریاتی کونسل ءِ چیئرمین ڈاکٹر قبلہ ایاز ءَ اقوام متحدہ ءِ جنرل اسمبلی ءِ نیمگ ءَ چہ “15 مارچ” ءَ اسلامو فوبیا ءِ حلاپ ءِ میاں اوستمانی روچ گوازینگ ءِ تپاک نامہ منظور بوہگ جوانیں گامگیج اِت۔ پنچ شمبےءِ روچءَ جاری بیان ءِ ردءَ ڈاکٹر قبلہ ایاز ءَ گشتگ کہ اے تپاک نامہ ءِ وسیلگءَ اقوام متحدہ ءِ جنرل اسمبلی ءَ روبرکتی دنیاءَ مسلمان آنی حلاپ ءَ کستء ُکینگی مہم ءَ چہ سرپد بوتگ۔ آئی ءَ گشتگ کہ اقوام عالم ءِ دیما اے جیڑہ ءَ را چست کنگ حکومت پاکستان ءِ کوشست لکھ ستاہ کرز اَنت۔ او آئی سی ءِ نمائندگاں جہد ء ُ کوشست کتگ ۔آئی ءَ گشتگ کہ اُمیت اِنت کہ اے تپاک نامہ ءِ ردءَ “اسلاموفوبیاءِ حلاپ ءَ میاں اوستمانی روچ”ءِ موہءَ دنیاءِ دیما اسلام ءِ راستیں تعلیمات ء ُ امنء ُ ایمنی ءِ ھاترءَ کرد پیلو کنگ ءَ مسلمان آنی کرد ءَ را پدر کنگ ءَ رھبند اں ہم دیما کاریت۔
