اسلام آباد ۔ 17 مارچ (اے پی پی) وزیراعظم نا خصوصی نمائندہ بین المذاہب ہم آہنگی و دے ٹک نیامی امور و پاکستان علماء کونسل نا چیئرمین حافظ محمد طاہر محمود اشرفی پارینے کہ اقوام متحدہ نا کنڈآن اسلاموفوبیا نا بابت قرارداد نا امنائی منظوری آ (اینو ) جمعہ نادے آ مچ آ ملک اٹی یوم تشکر اڈتننگک، داقرارداد نا سرسہبی آ وزیراعظم عمران خان نا منت واری ءِ ہرفنہ ہرانا کماشی ٹی دا قرارداد امنائی وڑاٹ منظور کننگا۔ پنچ شنبے نادے آ داڑے پریس کانفرنس آن تران کرسا حافظ محمد طاہر محمود اشرفی پارے کہ اسلامی کمکار تنظیم نا تدوک آ دیوان اٹی وزیراعظم پاکستان عمران خان نا کماشی ٹی پاکستان اسلاموفوبیا نا بابت امنائی قرارداد اس پیش کریسس، دیوان اٹی فیصلہ کننگا سس کہ داقرارداد ءِ اقوام متحدہ ٹی پیش کننگک، او آئی سی نا وزرائے خارجہ دیوان اٹی اسلاموفوبیا نا بابت قرارداد نا سرسہبی کن وزیراعظم پاکستان عمران خان و وزیرخارجہ شاہ محمود قریشی اسلامی و ایلو ملک آتون گپ وتران نا کمک اٹ دا قرارداد نا سرسہبی کن خواری و کوشست کریر۔ اوپارے کہ اِرادے مست دا قرارداد اقوام متحدہ غان امنائی وڑاٹ منظور کننگانے، داقرارداد نا محرک پاکستان ئسک، داسرسہبی مچ آ امت مسلمہ تون اوار پاکستان نا سرسہبی ءِ۔ اوپارے کہ قرارداد نا سرسہبی آ (اینو ( جمعہ نادے آ مچ آ ملک اٹی یوم تشکر اڈتننگک۔
