اسلام آباد۔ 17 مارچ (اے پی پی) ہالینڈ اٹی کاریم کروک آ پاکستانی تا زررادہ کننگ اٹ برجامالی سال انااولیکو 8 تُو اٹی تدوک آ مالی سال انا ہندا مد اٹی 31.2 درسد نا ودکی ریکارڈ کننگانے۔ اسٹیٹ بینک انا کنڈآن دا بابت جاری حساب وکتاب نا رداٹ برجامالی سال انا اولیکو 8 تُو اٹی ہالینڈ اٹی کاریم کروک آ پاکستانیک 38.9 ملین ڈالر نا زرمبادلہ ملک آ مون تسر ہرا تدوک آ مالی سال انا مقابلہ ٹی 31.2 درسد زیات ءُ۔ تدوک آ مالی سال انا ہند امد اٹی ہالینڈ اٹی کاریم کروک آ پاکستانیک 29.6 ملین ڈالر نا زرمبادلہ ملک آ گدریفیسر۔ حساب وکتاب نارداٹ فروری نا تُو اٹی ہالینڈ آن زررادہ کننگ نا کچ 4.4 ملین ڈالر ریکارڈ کننگا ہرا جنوری ٹی 4.2 ملین ڈالر و تدوک آ سال فروری ٹی 3.7 ملین ڈالر ئسر۔ ساڑی حکومت نا کنڈآن کانودی و بینکنگ ذریعہ اٹ زررادہ کننگ نا است بڈی کن آسراتی، گام گیج و ترغیب آتا نتیجہ ٹی سمندر پار پاکستانی تا زررادہ کننگ اٹ پدریسہ ودکی مننگ ءِ و برجامالی سال انا اولیکو 8 تُو اٹی سمندر پار پاکستانی تا زررادہ کننگ اٹ تدوک آ مالی سال انا ہندا مد انا مقابلہ ٹی جم وڑاٹ 7.6 درسد نا نمو ریکارڈ کننگانے۔
