راولپنڈی۔ 18 اپریل (اے پی پی) صدر مملکت ممنون حسین ئَ ہدایت کُت کہ درمانی آنی نیام لس مھلوک ئَ تاں رسد بہ بنت تانکہ کسانیں زرّ کٹوکیں مردم سبک ئُُ آسانی ئَ وتی دوا ئُُ تہلگ ئَ کُت بکن اَنت۔ صدر ئِ مملکت ئَ اے گپ بُنجاھی سیکرٹتی صحت محمد ایوب شیخ ئَ گوں گپ ئُُ تران کنان ئَ کُت اَنت آئی ئَ سئے شمبے ئِ روچ ئَ ایوان ئِ صد ر ئَ گند ئُُ نند کُتگ اَت۔ صدر ئِ مملکت ئَ گوشت کہ پاکستان ئَ تیار بوھوکیں درمان میاں اوستمانی جان سلامتی ادارگ ئِ تسدیک ئِ ھاترا لیبارٹری زوت جوڑ کنگبیت تانکہ پاکستانی درمان آنی برآمد کنگ ئِ تہ ئَ گیشی بہ بیت۔ آئی ئَ گوشت کہ دُگنیا ئِ بازیں ملک پاکستان ئَ چہ درمان بھا زورگ ئِ واھشت مند اَنت۔ میاں اوستمانی جان سلامتی ادارگئِ تسدیک نہ بوھگ ئِ سبب ئَ برآمد کنگ ئِ تہ ئَ گیشی نہ بوتگ۔ صدر ئِ مملکت ئَ اسلام آباد ئُُ لاہور ئَ میاں اوستمانی کچ ئُُ کیل ئِ بروبری ئَ درمانی جوڑ کنگ ئِ ٹیسٹ کنوکیں لیبارٹری ئِ برجائی ئِ ھاترا محکمہ ئِ جان سلامتی ئِ کوشست آنی توسیپ کُت ئُُ گوشت کہ اے لیبارٹری زوت سرجم بہ بنت۔
