اسلام آباد۔17مارچ (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ سندھ ہاوس اے وھد ءَ ہارس ٹریڈنگ ءِ بنجاھ جوڑ بوتگ، اے رنگیں زر ھرچ کنگ ءُ مردم بھا زورگ بوتگ۔ پنچ شمبے ءِ روچ ءَ پی ٹی وی ءَ گوں تران کنان ءَ بنجاھی وزیر ءَ گوشت سندھ گس ءَ بازیں زر ٹرانسفر کنگ ءِ ھال اِنت، سندھ ہاوس ءَ مردم آناں دارگ ءِ واستہ صوبگ ءِ ایندگر دمگ آنی تہءَ پولیس گوانک جنگ بوتگ۔ وزیر ءِ اھوالکاری ءُ شنگ کاری ءَ گوشت کہ اے وھد ءَ سندھ گس ہارس ٹریڈنگ ءِ بنجاھ انت ءُ اے رنگ ءَ چست ءُ ایر کانود ءِ ھلاپ انت۔ آئی ءَ گوشت کہ ما ٹوھیں ازمت ءُ کوشست ءَ چہ اے رنگیں گامگیج آں چہ آزاتی در جتگ بلے بد بھتی ءَ چہ ا پوزیشن ءَ ہارس ٹریڈنگ بندات کتگ۔ حکومت ایشی ءِ ھلاپ ءَ مھکمیں ایکشن ءِ منصوبگ بندی کنگ ءَ انت۔
