اسلامو فوبیا   ھلاپ ءَ منوگری ءِ  منظوری  ٹوھیں کامیاتی اِت،  27 مارچ ءَ   راج  چہ گس آں چہ در بئیت، اسلام  آبا د ءَ بہ پج انت ءُ  دگنیا ءَ را  بہ گش انت کہ  ما راستی ءُ  ھک ءِ گوما آں، مزن وزیر عمران کان ءِ سید  وشریف  سوات ءَ  گوں  لس مچی ءَ گوں  گشتانک

سیدو شریف ۔16مارچ  (اے پی پی):مزن وزیر  عمران خان  ءَ گوشت کہ  ناشرکاری ءَ را  اسلام  گوں سیادی  ءُ نبی کریم  ﷺ ءِ شان ءَ گستاخی ءِ ھلاپ   ءَ  سرجمیں    ءِ کنڈ کنڈ ءَ  گوں جوانیں ءَ گوانک برز کتگ ایشی ءِ نتیجگ ءَ   یونائیٹڈ   نیشن  ءَ  ھمک سال 15  مارچ ءَ اسلامو فوبیا ءِ  گر ءُ دار کنگ ءِ میاں اوستمانی روچ ءِ رد ءَ برجم دارگ ءِ منظوری داتگ،   آیوکیں  روچ  پاکستان ءِ  راج دپترے باز یاتگیریں روچ انت، اے روچ  آنی اندر ءَ  ملک ءِ  کسمت  ءِ  پیسلہ بیت۔  27 مارچ ءَ راج گس آں چہ در بہ کپ ایت، اسلام آباد  ءَ بہ ائیت ءُ  دگنیا ءَ را  سر پد بہ کنت کہ  ما ھک   راستی  ءِ گوما  آں،  وھدیکہ دز، ڈنگ  ءُ منافق آنی ھلاپ ءَ اوشتاتگ آں۔  عمران خان  امریکی صدر  ءَ ھوار میاں اوستمانی  سروک آنی  گوما چم پہ چم ءَ کتگ ءُ  گپ  جنت۔  الیکشن کمیشن  بہ گش ایت کہ زر ءِ سر ءَ  مردم آناں بھا زورگ ءِ   اجاز ت است انت کہ ناں؟  سئے کس ءِ  ترس  ھمیش انت کہ اگاں  عمران خان  سروکی  ءِ سیٹ ءَ  بوت گڈا آوانی کسمت جیل ءِ  توک  بیت بلے  یک بالے ءَ گوں  سئیں وکٹ آناں  دور دیاں۔ اے ھیالانی درشانی آئی ءَ چار شمبے ءِ روچ ءَ  گراسی گرائونڈ سیدو شریف سوات ءَ  گوں لس مچی ءَ گوں گشتانک دیان  ءَ کت۔  اے موہ ءِ سر ءَ  بنجاھی وزیر  رسانک مراد  سعید   ءَ  ھم گشتانک دات۔    اے ساھت ءَ مزن وزیر   وھد ءِ  مچی ءِ جاہ ءَ سر  بوت گڈا  چاپ ءُ نہردگ آں گوں  آئی ءَ را وش اتک کنگ بوت۔  مزن وزیر ءَ  گشتانک ءِ  ساھت ءَ  جوش ءُ جوزگ درشان کنوکیں ورنا آنی شگر ءُ منت واری گپت۔