پوسکن آ سپر سونک میزائل نا واقعہ غا بھارت نا بیدس شاہدی آن وضاحت گنج اس اف، معید یوسف

اسلام آباد۔ 16 مارچ (اے پی پی) قومی سلامتی نا سلاہکار ڈاکٹر معید یوسف پارینے کہ 9 مارچ آ پاکستان اٹ پوسکن آ سپرسونک میزائل اس خسنگ نا واقعہ ءِ معمول نا ہُننگ اٹ اسہ حادثہ اس گوندنگ نا بھارت نا بیدس شاہدی آن وضاحت گنج اس اف و دنیا کن ناقابل قبول بایدے مف۔ کشمیر میڈیا سروس نا رداٹ ڈاکٹر معید یوسف چندی ٹویٹ آتیٹی پارینے کہ پاکستان اٹ پوسکن آ سپرسونک میزائل ءِ خسنگ ناردعمل اٹ نن بے چیٹی آن بچنگ کن زمواری اٹ کاریم ہلکونن۔ اوپارے کہ بھارت اسہ غیر زموارانہ و ناقابل اعتبار ریاست نا کڑد ءِ ادا کرینے۔ اوپارےے کہ دا سنگین حالیت آتا رداٹ بھارتی ردعمل تشویشناک ءِ و بیرہ شفاف اسیجائی جاست وپاست نا کمک اٹ درکار سوج آتا ورندی ملنگ کیک۔ ڈاکٹر معید یوسف پارے کہ نن بھارت و دنیا ءِ دا پاننگ خوانہ کہ دا اسہ پوسکن ءُ سپرسونک میزائل اس ئسک ہراڑآن پاکستان اٹ جانی نسخان مننگ کریکہ و دانا نتیجہ ٹی اِرا جوہری سلہہ غاتیان شپ ملک آتا نیام اٹ بے چیٹی ودنگ کریکہ۔ اوپارے کہ اسہ وار ولدا مچ آ دنیا ءِ د اتینٹ ہروئی مرے کہ زموار ریاست ہراسٹ ءِ۔