اسلام آباد۔ 16 مارچ (اے پی پی) وزیراعظم نا خصوصی کمکار جان جوڑی ڈاکٹر فیصل سلطان پارینے کہ کورونا دین انا تالانی ٹی کمتی بننگ ءِ ولے داسکان پورو وڑاٹ دا دین چٹتنے، ہنداخاطرآن الس رکھی گام گیج آتیا عملدرآمد ءِ برجاتخے و ماسک ءِ کاریم اٹ اتے۔ چارشنبے نادے آ این سی او سی ٹی بنجائی وزیر ڈٹ بندی، شونداری و اصلاحات اسد عمر تون اسیجائی پریس حوال ترسا اوپارے کہ کورونا دین آن ملک انا ہیلتھ سسٹم آ ہرا زور ئسک اوٹی بھلو حداسکان کمتی بسنے و انتہائی نگہداشت نا یونٹ آتیٹی ہم کوویڈ۔ 19 نا ناجوڑ آتا کچ اٹی کمتی بسنے ولے ولدا ہم دا دین انا تالانی نا بابت پورو مانیٹرنگ کرسا کینہ۔ اوالس ءِ پارے کہ او کورونا ویکسی نیشن نا عمل ءِ پورو کے و دادین انا برخلاف مروجہ رکھی گام گیج ہرافتے ٹی ماسک انا کاریم اٹ اتنگ و راجی فاصلہ ءِ برجاتخر۔
