اسلام آباد۔ 16 مارچ (اے پی پی) بنجائی وزیر داخلہ شیخ رشید احمد پارینے کہ بنجائی دارالحکومت اسلام آباد اٹی پولیس، رینجر و ایف سی ءِ 20 مارچ آن 2 اپریل اسکان خصوصی واکداری تننگ انگ ءِ، اپوزیشن اگہ کانود ءِ سرفپک تو اودے ہچ پاپنہ، لانگ مارچ نا اڈتننگ کن اپوزیشن جماعت آتے پورو آسراتی و رکھ فراوان کننگک ولے کانود ءِ کس اسے دوٹی ہلنگ نا موکل تفننگک، اپوزیشن 23 مارچ آ اسلام آباد آ بفننگ نا فیصلہ ءِ کرسا عقل مندی نا درشانی ءِ کرے، الس نا جان و مال انا رکھ ننا زمواری ءِ، وزیراعظم عمران خان نا مقبولیت اٹ ودکی مسنے و او بروک آ دے تیٹی پین سوگوی دوئی کیک، مچ آ ملک وزیراعظم عمران خان تون سلوک ءِ، اومیت ءِ ق لیگ و سیوتیک عمران خان تون تفرہ۔ چارشنبےنادے آ داڑے اقوام متحدہ نا کنڈآن انسداد انسانی سمگلنگ نا سرحال آ اڈ ہلوک ورکشاپ آن پد میڈیا تون گپ وتران کرسا وزیر داخلہ پارے کہ بنجائی دارالحکومت اٹی پولیس، رینجرو ایف سی ہروڑنا ناخوشگوار حالیت آتون مون تننگ نا پورو لائخی تخک۔ اوپارے کہ ایف سی و رینجرآتا 1000 کارندہ غاتے سیکورٹی ڈیوٹی کن اسلام آبادآ بٹنگانے، اگہ گرج مس تو امن و ایمنی ءِ پک کننگ کن پین کارندہ ہم تعینات کننگ مریک۔ اوپارے کہ حکومت 25 مارچ و 27 مارچ انا دے تیٹی جلسہ غاتے پورو سیکورٹی و رکھ فراوان کیک۔ وزیرداخلہ پارے کہ ساڑی حالیت آتا جاچ ءِ ہلنگ اُن، داڑے او آئی سی نا تاریخی کانفرنس اس مننگ والا ءِ، دا چرجوئی ٹی سیکورٹی بست و بند آتیکن 20 مارچ آن رینجرز، پولیس و ایف سی ءِ خصوصی واکداری تننگ اُٹ۔ بنجائی وزیر داخلہ پارے کہ دا فیصلہ ءِ اسپیکر کیک غٹ مخلوق ءِ پروٹیکشن تننگے، ننا کس اسے تون ذاتی ویل اس اف۔ پارلیمنٹ لاجز اٹ خاہوت رہینگک ولے ہموڑے نم تینا ملیشیا ءِ ایسورے۔ اوپارے کہ وزیراعظم عمران خان نا مقبولیت اٹ ودکی مسنے، داسہ کٹر یاباایترفائدہ عمران خان ءِ مریک۔ اپوزیشن 25 مارچ آ اسلام آباد آ بننگ ءِ، اپوزیشن ءِ بے پتی نا حق دوئی ءِ ولے 23 مارچ آ جے 10 سی فلائی کننگ والا ءِ۔ اوپارے کہ ملک اٹی اہم ایونٹ آن پد نن اپوزیشن والاتے رکھ ایتنہ ولے کس اسے کانود ءِ دوٹی ہلنگ نا موکل تفننگک۔ کس اس کانود ءِ دوٹی ہلک تو اودے ہچ حالیت اسے ٹی ہلنگ مفک، اپوزیشن اگہ کانود ءِ سرفپک تو اودے ہچ پاپنہ۔ اوپارے کہ مولانا فضل الرحمان آ حیرت ءِ لٹ آتیا ہیت ءِ کننگ ءِ، ای اودے پاننگ خواوہ کہ ن لیگ و پیپلزپارٹی پیش تمرہ نی ہلنگسہ۔ اودے ن لیگ و پیپلزپارٹی نا سماءِ ، انت مولانا ملک ءِ انار نا کنڈآ دننگ ءِ، اگہ ملک اٹ خانہ جنگی مس تو اونا زموار مولانا فضل الرحمان مریک۔ شیخ رشید پارے کہ اسپیکر آن اریفیوہ کہ ہرادے آ ووٹنگ مننگ ءِ، اسپیکر 63 اے نا رداٹ ہرکس نا وونٹ ءِ منسوخ کننگ کیک، انتس کہ مرے وزیراعظم عمران خان کٹے یا با ایتے فائدہ عمران خان نا ہی مریک، ای وزیراعظم ءِ سرسہب مرسا خننگ اٹی اُٹ، 25 مارچ آن پد عمران خان نا مقبولیت پین ودک۔ اونا پاننگ ئس کہ بنجائی وزیر اسد عمر و پرویزخٹک ق لیگ اتون اوار غٹ سیوتی تتون گپ وتران کننگ ءُ، اومیت ءِ ق لیگ و سیوتیک عمران خان تون تفرہ، 25 مارچ آن پدسیوتی و ایلوتا معلوم مریک دیر تون ءُ۔ بنجائی وزیر داخلہ پارے کہ او آئی سی نا تاریخی کانفرنس مننگ والا ءِ، اپوزیشن 23 مارچ آ اسلام آباد آ بفننگ نا فیصلہ کرسا عقل مندی نا درشانی ءِ کرے، اپوزیشن ءِ جلسہ کروئی ءِ تو ڈی سی اسلام آباد تون اوڑدہی کے، کس اسے کانود ءِ دوٹی ہلنگ نا موکل تفننگک۔
