اسلام آباد۔ 16 مارچ (اے پی پی) آسٹریا نا وزیر یورپی و جہانی امور الیگزینڈر شلن برگ چار دے ئی دورہ غا (چارشنبے نادے آ) پاکستان آ بریک۔ آسٹریا نا وزیر خارجہ تون اوار واپاری ڈل ہم مریک۔ تینا دورہ ٹی وزیرخارجہ شلن برگ تینا پاکستانی ہم منصب شاہ محمود قریشی تون ڈل آتا کہول آ گپ وتران کیک ہراٹی ہڑتوم آ کنڈآتا امور نا غٹ پلو آتا جاچ ءِ ہلنگ تون اوار اوار اہم علاقائی و جہانی امور آ گپ وتران کننگک۔ آسٹریا نا وزیرخارجہ داڑے اڈکننگ نا وخت آ ایلو کمامدارآتون ہم اوڑدہی کیک۔ داکان بیدس اسہ کاروباری گول میز اسے نا بست وبند ہم کننگ انگ ءِ ہراڑے آسٹریا و پاکستانی پوریاگر آتے ممکنہ کاروباری وارخواہی آ گپ و تران کننگ نا موقع ملک۔ آسٹریا نا وزیر خارجہ اوکان پد لاہور نا دورہ ءِ کیک۔ اومیت ءِ آسٹریا نا وزیر خارجہ نا دورہ پاکستان آن ہڑتوم آ ملک آتا نیام اٹ کثیر الجہتی تعلقداری تے پین سوگوی ملک۔

متعلقہ مضامینمصنف کی طرف سے مزید