راولپنڈی۔ 16 مارچ (اے پی پی) چیف آف آرمی اسٹاف جنرل قمر جاوید باجوہ تون نیشنل گارڈ آف بحرین نا کمانڈر جنرل شیخ محمد بن عیسیٰ بن سلمان الخلیفہ چارشنبےنادے آ داڑے جی ایچ کیو ٹی اوڑدہی کرے۔ اوڑدہی ٹی تین پہ تینی است خواہی نا امور، علاقائی سلامتی نا حالیت و ہڑتوم آ فوج آتا نیام اٹ کسبی کمکاریءِ پین ودفنگ نا گام گیج آتیا گپ وتران کننگا۔ پاک فوج انا شعبہ تعلقات عامہ نا رداٹ آرمی چیف پارے کہ پاکستان بحرین تون تینا سوگو سفارتی، اقتصادی و دفاعی تعلقداری تے قدر انا نظر اٹ ہرک۔ ہڑتوم آ ڈیہہ ٹی امن و سلامتی کن کوشست آتون اوار ہڑتوم آکنڈآتا کمکاریءِ پین ودفنگ نا است خواہی نا درشانی ءِ کریر۔ شرفمند آ مہمان پاکستان نا سلہہ بند فوج انا کسبی مہارت نا اعتراف ءِ کرسا چندی بشخ آتیٹی کمکاریءِ ودفنگ نا عزم انا درشانی ءِ کرے۔ اواوغان حالیت آتیٹی پاکستان نا کڑد و سرسہب بارڈر مینجمنٹ نا ہم ستاءِ کرے۔

متعلقہ مضامینمصنف کی طرف سے مزید