حکومت ءَ  گرانیں فیصلہ زُرتگء ُ معیشت ءَ را دیمروئی ءِ کشک ءَ رہادگ کتگ،  راجی اسمبلی ءَ را وتی حلقہ آنی تہا اُلسی رابطہ کاری ء ُ کارکنان آناں گشاد کنگ لوٹ ایت، مزن وزیر  عمران خا ءِ راجی اسمبلی ءِ باسکاں گوں گندء ُنندءَ یکوئی ءِ درشانی

اسلام آباد۔15مارچ  (اے پی پی):مزن وزیر عمران خان ءَ  گشتگ کہ حکومتء َ گرانیں فیصلہ کتگ ء ُ معیشت ءَ ڑا دیمروئی ءِ نیمگءَ رہاد گ کوتگ، پی ٹی آئی حکومت ءَ دائم ءَ انصاف ء ُ کانود ءِ مزنی ء ُ نیزگارانی پلاح ء ُ گہبود ءِ ھاترءَ کا ر کتگ، مئے دور ءَ ریکارڈ ٹیکس جم کنگ بوتگ اَنت کہ آئی ءَ را اُلسی پلاح ء ُ گہبود ءِ سرءَ حرچ کنگ بوتگ، آئی ءَ راجی اسمبلی ءِ باسکاناں وتی حلقہ آنی تہا اُلسی نزیکی ءَ ر تینز ء ُ باسکاناں گشاد کنگءِ پنت ء ُ شون کتگ۔ اے ھیالانی درشانی آئی ءَ سئے شمبے ءِ روچءَ راجی اسمبلی ءِ باسکاں گوں گپ ءُ تران کنان ءَ کتگ۔ مزن وزیر ءَ گوں گندء ُ نند کنوکانی تہا  راجی اسمبلی ءِ باسک لال چند، شنیلا روتھ، جے پرکاش ، جمشید تھامس، چوہدری محمد عدنان، اعجاز خان جازی، صاحبزادہ صبغت اللہ، محبوب شاہ، محمد بشیر خان، جنید اکبر، صالح محمد، مجاہد علی، ملک انور تاج، ناصر خان موسیٰ زئی، شہریار آفریدی، ملک فخر زمان خان، خرم شہزاد، روبینہ جمیل، راحت امان اللہ بھٹی، ملک کرامت علی، رائے محمد مرتضیٰ اقبال، ظہور حسین قریشی ء ُوزیر سیفران صاحبزادہ محبوب سلطان ہوار بوتگ۔  مزن  وزیر ء َ گشتگ کہ مئے دور ءَ ریکارڈ ٹیکس جم کنگ بوتگ   کہ اے پہ اُلسءِ پلاح ء ُ گہبودءِ سرءَ حرچ کنگ بوتگ اَنت، سرکاری حرچہ آنی تہا کمی آرگ بوتگ تنکہ اے  زر دیمروئی منصوبہ آنی سرءَ حرچ کنگ بہ بنت۔ مزن وزیر ءَ گشتگ کہ راجی جان ء ُ سلامتی کارڈ، سوبمندیں پاکستان پروگرام ، احساس پروگرام، سوبمندیں ورناہ پروگرام، نوکیں پاکستان ہاؤسنگ پروگرام، دھکان کارڈ نیزگاری ہلاسی ء ُ معاشی دیمروئی ءِ ھاترءَ حکومتءَ آشوبی گامگیج چست کتگ ۔ مزن وزیر ءَ راجی اسمبلی ءِ باسکاناں وتی حلقہ آنی تہا اُلسی رابطہ ءَ را گشاد کنگ ء ُ باسکاناں گشاد بوہگ ءَ پنتء ُ شون ہم کتگ۔