حافظ محمد طاہر محموداشرفی نا کانفرنس آن تران

اسلام آباد۔ 15 مارچ (اے پی پی) وزیراعظم نا نمائندہ خصوصی بین المذاہب ہم آہنگی و دے ٹک نیامی امور و پاکستان علماکونسل نا چیئرمین حافظ محمد طاہر محمود اشرفی پارینے کہ پاکستان آ ننا غٹ اناحق ءِ، تین پہ تینی شرف و مہرومریبت اٹ نن اونا حق ءِ ادا کننگ کینہ، پاکستانی راج انا دا زیبائی ءِ کہ داڑے ہرمذہب نا مخلوق رہینگک، انتہاپسند اسہ درسد آن ہم کم ءُ، شدت پسند زموار آک اسُل سرسہب مننگ کپسہ۔ سے شنبے نادے آ داڑے امن نا مون آ دننگ نا بابت اڈ ہلوک کانفرنس آن تران کرسا حافظ محمد طاہر محمود اشرفی پارینے کہ پاکستان آ ننا غٹ انا حق ءِ ، تین پہ تینی شرف ومہرومریبت اٹ نن اونا حق ءِ ادا کننگ کینہ، پاکستانی راج انا دا زیبائی ءِ کہ داڑے ہر مذہب نا مخلوق امن و ایلمی اٹ رہینگرہ۔ اوپارے کہ انتہاپسند اسہ درسد آن ہم کم ءُ، شدت پسند زموار آک اسُل سرسہب مننگ کپسہ، لبرل واکدارک ہی الس اٹ پسند کننگک، انتہاپسندی اسہ ناجوڑی اسے و کرپشن نا لعنت ہم ننا ملک اٹی ءِ۔ اوورناچین تے ہرا کلہو ءِ تسنے او دا چرجوئی ٹی تینا کڑد ءِ ادا کیر۔ تینا کڑد ءِ چار، ورناچین ننا ملک انا آخبت ءِ ، ملک ءِ سہی کننگ کن پیشن آن کس اس بفک۔ اوپارے کہ ہرادے لس نمازی مسیت نا تہہ ٹی شدت پسندی نا برخلاف بش مریک و امن و سلامتی و قرآن و سنت نا ہیت ءِ کیک ہمودے آ داویل ایسر مننگ نا بناءِ کیک۔ اوپارے کہ ننے گچین ءُ امت اس پاننگانے ، المیہ ءِ کہ اینو نا دور اٹی نن جوانی و گندہ ئی ٹی پرخ آن مر مسونن، سگ انا وس چٹانے۔ اوپارے کہ کنازند و مرک پاکستان اٹی ءِ، پاکستان ءِ اِلنگ نا تصور کننگ کپرہ۔ داملک ننکن اللہ نا رحمت اسے، داڑے یورپ و امریکہ غان زیات رواداری ءِ و داڑے بین المذاہب ہم آہنگی نا حالیت بھاز جوان ءِ۔ حافظ محمد طاہر محمود اشرفی پارے کہ فرقہ ورانہ و انتہاپسند زموار آتا کڑد کشی کن ریاست تینا کڑد ءِ ادا کننگ ءِ، لس شاری تا ہم دا فرض ءِ کہ او داچرجوئی ٹی تینا کڑد ءِ ادا کیر۔