وزیراعظم عمران خان شفافیت نا استعارہ سے، ڈاکٹر شہباز گل

اسلام آباد۔ 15 مارچ (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل پارینے کہ وزیراعظم عمران خان شفافیت نا استعارہ سے ، نابود لیگ مالِ مفت دل بے رحم نا مصداق پیشن نا ملک پاکستانی تا فنڈ آتے کُنگ۔ سے شنبے نادے آ مریم اورنگزیب نا بیان آ تینا ردعمل اٹ اوپارے کہ نابود لیگ امریکہ و برطانیہ ٹی لمیٹڈ لائیبلٹی کمپنی نا پن اٹ رجسٹرڈ ءِ۔ نابود لیگ مال مفت دل بے رحم نا مصداق پیشن نا ملک پاکستانی تا فنڈآتے کُنگ۔ بڑزکو عدالت آن سرٹیفائیڈ دروغ و جعلساز مکروفریب تالان کننگ اٹ لگوک ءِ۔ اوپارے کہ وزیراعظم عمران خان شفافیت نا استعارہ سے۔ جعلی اکاؤنٹس، فارن فنڈنگ منی لانڈرنگ والا ک الس نا مون آ بے نقاب مسنو۔ اوپارے کہ منی لانڈرنگ نا بے تاج بادشاہ ایلوفتیا دروغ انا دوبہ خلنگ ءِ۔ فارن فنڈنگ کیس اٹ تحریک انصاف غٹ شاہدی تے پیش کرے۔ نابود لیگ فارن فنڈنگ نا ریکارڈ ءِ پیش کتنے۔ نابود پار کہ پرائیویٹ لمیٹڈ کمپنی نا پن اٹ اخس فارن فنڈنگ دوئی؟۔