وزیر مملکت حوالکاری و شینکاری فرخ حبیب نا الیکشن کمیشن نا پیشن آگپ وتران

اسلام آباد۔ 15 مارچ (اے پی پی) وزیر مملکت حوالکاری و شینکاری فرخ حبیب پارینے کہ 90 لکھ اوورسیز پاکستانی عمران خان آ پبی پت کیرہ، اوورسیز پاکستانیز ننا میرات ءُ، اوورسیز پاکستانیز سالانہ 30 ارب ڈالر پاکستان آ گدریفنگ ءُ، مریم صفدر الیکشن کمیشن آ برسا پک کرے کہ اکبر ایس بابر ن لیگ نا ایزی لوڈ آ چلینگک، مریم صفدر ءِ چیلنج ءِ کہ اوڑتون فارن فنڈنگ ناریکارڈ اسکان اف، پی ٹی آئی اولیکو وار پولیٹکل فنڈریزنگ نا بناءِ کرے، پی ٹی آئی سکروٹنی کمیٹی ءِ غت ریکارڈ آتے تس، پورو کمک کرے، الیکشن کمیشن آن ن لیگ و پیپلزپارٹی فارن فنڈنگ کیس انا زوت سماعت نا خواست کرینو۔ داخیال آتا درشانی ءِوزیر مملکت حوالکاری و شینکاری فرخ حبیب الیکشن کمیشن نا پیشن میڈیا تون گپ وتران کرسا کرے۔ وزیر مملکت فرخ حبیب پارے کہ اوورسیز پاکستانیز سالانہ 30 ارب ڈالر گدریفنگ ءُ، ن لیگ دور اٹی دا ترسیلات زر 18 ارب ڈالر ئسر ، ننا برخلاف پروپیگنڈا کننگک کہ پی ٹی آئی فارن فنڈنگ کرینے، ننا پیڈا ممبران سالانہ بنداو آ ممبر شپ ادا کیرہ، ننے فارن فنڈنگ کروک آ مخلوق اینو کنا دامون ایمون سلوک ءُ، ننے اسرائیل و بھارت آن فنڈنگ ہلنگ نا طعنہ خلوک آک اُریر کہ ننے ہراہرا پاکستانیک فنڈنگ ایترہ، مریم، بلاول ، زرداری، شہباز شریف تون اوار کس اسے دا فارن فنڈنگ کروک آتون ملوئی ءِ تو برے۔ وزیر مملکت پارے کہ پشی تھیلہ غان پیشن پیش تمانے، پک مس اکبر ایس بابر ن لیگ نا ایزی لوڈ آ چلینگک، اینو مریم صفدر تینٹ، اکبر ایس بابر نا کیس انا بابت الیکشن کمیشن آ بسنے، مریم صفدر ءِ چیلنج ءِ کہ اوڑتون فارن فنڈنگ نا ریکارڈ اسکان اف۔ فرخ حبیب پارے کہ مریم پائے کہ 65 کروڑ ہراکان بس، کہوک آ بندغ آتا اکاؤنٹ آتے 2017 اسکان دیر اس چلیفسا کرینے، تدوک آ مسہ تُو آن پیپلزپارٹی و ن لیگ نا اکاؤنٹ آتا پڑتال آ اسہ دیوان اس مننگ کپک، غٹ اتون بریبر نا بایدے سلوک مرے۔ فرخ حبیب پارے کہ پی ٹی آئی سکروٹنی کمیٹی ءِ غٹ ریکارڈ آتے تس، پورو کمک کرے، پیپلزپارٹی تینا 12 اودیم اکاؤنٹ آتا بارواٹ پائے، فضل الرحمان دیر اسے ہر اادارہ غاتے ڈکٹیٹ کے، فضل الرحمان لیبیا غان فنڈنگ ہلسا کرینے۔ وزیر مملکت فرخ حبیب پارے کہ پیپلزپارٹی مارک سیگل ءِ یو ایس اے ٹی انت اکن زرترسا کرے، ن لیگ و پیپلزپارٹی یوکے و امریکہ ٹی لمیٹڈ کمپنی تا وڑاٹ رجسٹرڈ ءُ۔ وزیر مملکت حوالکاری و شینکاری فرخ حبیب پارے کہ نن اسہ وار ولدا الیکشن کمیشن آن نوشتہی خواست کرینن کہ ن لیگ و پیپلزپارٹی فارن فنڈنگ کیس انا زوت سماعت ءِ کننگے۔ سکروٹنی کمیٹی ءِ دمدستی فعال کننگے تانکہ کمیٹی تینا رپورٹ ءِ پورو کے۔ فرخ حبیب پارے کہ مریم صفدر، فضل الرحمان، زرداری تینا پارٹی تا کھاتہ غاتے اتیر بریر۔