مزن وزیر عمران خان ءَ گوں  امریکہ ءِ واستہ پاکستان ءِ نامینتگیں سفیر مسعود خان ءِ گند ءُ نند، دوئیں  ملک آنی نیام ءَ دو نیمگی یکوئی آناں گیش برجم جوڑ کنگ ءِ واستہ کار،  مزن وزیر  ءِ پنت ءُ شون

اسلام آباد۔14مارچ  (اے پی پی): مزن وزیر عمران خان ءَ گوں امریکہ ءِ واستہ  پاکستان ءِ نامیتگیں  سفیر مسعود خان ءَ دو  شمبے ءَ ادا گند ءُ نند  کت۔  وزیر ءِ درئی کار شاہ محمود  قریشی  ھم اے موہ ءَ  ساڑی ات۔  مزن ویزر ءَ گوشت کہ پاکستان امریکہ ءَ ھوار توامیں ملک آنی گوما  مھکمیں یکوئی   ءِ واھشت ایگ اِنت۔   ، مزن وزیر ءَ  نامینتگیں  سفیر مسعود خان ءَ را پنت ءُ شون کت کہ  آ دوئیں ملک آنی نیام ءَ دو نیمگی یکوئی آناں  گیش برجم کنگ ءِ واستہ کار بکنت۔  آئی ءَ گوشت کہ ڈن ملک  ءَ نندوکیں پاکستان آنی گوما رابطہ   حکومت ءِ اولی ترجی اِنت ءُ امریکہ ءَ پاکستانی   کمیونٹی    گوں جوانی ءَ کار کنگ ءَ انت  ءُ  دوئیں ملک  آنی نیام ءَ   کمکار ءِ کرد ءَ  پیلو کنگ ءَ انت۔  مزن وزیر ءَ نامینتگیں سفیر ءَ را  پنت ءُ شون کت کہ  پاک۔ امریکہ یکوئی آناں گیش   برجم کنگ ھاسیں رنگ ءَ تجارت ، سرمایہ کاری  ءَ را گیش  ودینگ  ءُ پبلک ڈپلومیسی ءِ واستہ کار  بکن اَنت۔  ایشی ءَ ابید  واشنگٹن  ڈی سی ءَ ھم ازمت پیلو  آئی ءَ کتگ۔