مزن وزیر عمران خان  ءَ  گوں  راجی اسمبلی  ءِ    باسک آں  گوں گند ءُ نند، السی رابطہ  آناں ترند کنگ ءُ  جیڈھ  آنی زوت گیواری ءِ دل یکیمی  

اسلام آباد۔14مارچ  (اے پی پی): مزن وزیر   عمران خان ءَ  گوشت کہ میاں اوستمانی منڈی  آنی تہ ءَ   نیاد آنی گیش  بوھگ ءَ ابید   الس آناں ریلیف  پجاری  کنگ ءِ رد  حکومت پٹرول   ءُ ڈیزل   ءِ سر ءَ باز  سبسڈی دیگ ءَ انت۔  اے گامگیج  پیسر ءَ اچ  حکومت  ءَ نہ کتگ،  استیں سیاسی جاور ھال آنی تہ ءَ پی ٹی آئی ءَ   الس آنی دل یکیمی برجا  داشتگ۔    آئی ءَ گوشت کہ باسک وتی وتی دمگ آنی  تہ ءَ  رابطہ آناں  گیش ترند ءُ  السی جیڈھ آناں  گیوار  بکنائین انت۔  دو شمبے ءَ مزن  وزیر  ءَ اسمبلی ءِ  بازیں باسک آں گوں گند ءُ نند کت۔  اے گند ءُ نند ءَ شیر اکبر خان، سلیم   الرحمان، ظل ہما، چوہدری عامر سلطان چیمہ، ملک عمر اسلم خان، عثمان خان ترکئی، ارباب عامر ایوب، عمران خٹک، جاوید اقبال وڑائچ، عبدالمجید خان نیازی اور نیاز احمد جکھڑ  ھوار اتنت۔ وھدیکہ  ھاسیں کمکار  ملک محمد عامر ڈوگر ھم گند ءُ نند ءَ ساڑی ات۔